(॥పల్లవి॥)
నీవే మాకు దిక్కు నిన్నే తలఁతుము
కావు మా నేరమెంచక కరుణానిధీ
(॥నీవే॥)
నెట్టన సూర్యులోని నెలకొన్న తేజమా
గట్టిగాఁ జంద్రునిలోని కాంతిపుంజమా
పుట్టిరక్షించే యజ్ఞపురుషుని ప్రకాశమా
వొట్టుక దేవతలలోనుండిన శక్తీ
(॥నీవే॥)
సిరులుమించిన యట్టిజీవులలో ప్రాణమా
గరిమ వేదములలోఁ గల యర్థమా
పరమపదమునందుఁ బాదుకొన్న బ్రహ్మమా
చరాచరములలో సర్వాధారమా
(॥నీవే॥)
జగములో వెలిసేటిసంసారసుఖమా
నిగిడినమంత్రముల నిజమహిమా
మిగుల శ్రీవేంకటాద్రిమీఁదనున్నదైవమా
ముగురువేల్పులలోని మూలకందమా
(||pallavi||)
nīve māgu dikku ninne talam̐tumu
kāvu mā neramĕṁchaga karuṇānidhī
(||nīve||)
nĕṭṭana sūryuloni nĕlagŏnna tejamā
gaṭṭigām̐ jaṁdruniloni kāṁtibuṁjamā
puṭṭirakṣhiṁche yajñaburuṣhuni pragāśhamā
vŏṭṭuga devadalalonuṁḍina śhaktī
(||nīve||)
sirulumiṁchina yaṭṭijīvulalo prāṇamā
garima vedamulalom̐ gala yardhamā
paramabadamunaṁdum̐ bādugŏnna brahmamā
sarāsaramulalo sarvādhāramā
(||nīve||)
jagamulo vĕliseḍisaṁsārasukhamā
nigiḍinamaṁtramula nijamahimā
migula śhrīveṁkaḍādrimīm̐danunnadaivamā
muguruvelbulaloni mūlagaṁdamā