(॥పల్లవి॥)
నీవే దయదలఁచుక నెమ్మి రక్షించుట గాక
యీవలఁ గొలిచేనంటే యీడైనవాఁడనా
(॥నీవే॥)
పరగ నేమైనా విన్నపము చేసుకొనేనంటే
హరి నీకు నెదురుమాఁటాడేవాఁడనా
గరిమ సువస్తువులు కానుక ఇచ్చేనంటే
సరుస నీకన్నా నేను సంపన్నుఁడనా
(॥నీవే॥)
మెలఁగి నీగుణాలకు మెచ్చి సంతోషించేనంటే
జలజాక్ష నే నీతో సరివాఁడనా
బలువైనా నీపరమపదము గోరేనంటే
వలనైన నీతోడివంతువాఁడనా
(॥నీవే॥)
తాలిమితో నాలో నిన్ను ధ్యానము సేసేకంటే
పాలఁసుడ నేను నీపాటివాఁడనా
యేలితివి శ్రీవేంకటేశ నన్నుఁ గృపతోడ
యీలీల నీమహిమలు యెరిఁగేటివాఁడనా
(||pallavi||)
nīve dayadalam̐suga nĕmmi rakṣhiṁchuḍa gāga
yīvalam̐ gŏlisenaṁṭe yīḍainavām̐ḍanā
(||nīve||)
paraga nemainā vinnabamu sesugŏnenaṁṭe
hari nīgu nĕdurumām̐ṭāḍevām̐ḍanā
garima suvastuvulu kānuga ichchenaṁṭe
sarusa nīgannā nenu saṁpannum̐ḍanā
(||nīve||)
mĕlam̐gi nīguṇālagu mĕchchi saṁtoṣhiṁchenaṁṭe
jalajākṣha ne nīdo sarivām̐ḍanā
baluvainā nībaramabadamu gorenaṁṭe
valanaina nīdoḍivaṁtuvām̐ḍanā
(||nīve||)
tālimido nālo ninnu dhyānamu sesegaṁṭe
pālam̐suḍa nenu nībāḍivām̐ḍanā
yelidivi śhrīveṁkaḍeśha nannum̐ gṛpadoḍa
yīlīla nīmahimalu yĕrim̐geḍivām̐ḍanā