నీచేతనౌనె నేర్పులివి యెల్లాను
(॥పల్లవి॥)
నీచేతనౌనె నేర్పులివి యెల్లాను
కాచుకుండి మనసెల్లఁ గరఁగించఁగలవె
(॥॥)
కడువలచితినంటా కాంతుని కిచ్చకమాడి
తొడిఁబడఁ గాఁగిలించి దొమ్మిసేసేవు
అడరి చొక్కులఁబెట్టి అంతసేసినదానవు
బడిఁ దిప్పి యాతని భ్రమయించఁగలవే
(॥॥)
పాసియుండ నోపనంటా పక్కననుబ్బించి పతి-
కాసచూపి ఇంటఁబెట్టు కలయించేవు
బేసబెల్లివై ఇట్లాఁ బెడరేఁచినదానవు
బాససేయించు కేపొద్దూఁ బనిగొనఁగలవే
(॥॥)
పట్టపుదేవులనంటా పైకొని శ్రీవేంకటేశు-
నట్టు నిట్టుఁ గూడితివి అలమేల్మంగా
గుట్టున నన్నితఁడేలెఁ గుచ్చితపుదానవు
వొట్టుక వురముమీఁద నుండఁగఁగలవే
(||pallavi||)
nīsedanaunĕ nerbulivi yĕllānu
kāsuguṁḍi manasĕllam̐ garam̐giṁcham̐galavĕ
(||||)
kaḍuvalasidinaṁṭā kāṁtuni kichchagamāḍi
tŏḍim̐baḍam̐ gām̐giliṁchi dŏmmisesevu
aḍari sŏkkulam̐bĕṭṭi aṁtasesinadānavu
baḍim̐ dippi yādani bhramayiṁcham̐galave
(||||)
pāsiyuṁḍa nobanaṁṭā pakkananubbiṁchi padi-
kāsasūbi iṁṭam̐bĕṭṭu kalayiṁchevu
besabĕllivai iṭlām̐ bĕḍarem̐sinadānavu
bāsaseyiṁchu kebŏddūm̐ banigŏnam̐galave
(||||)
paṭṭabudevulanaṁṭā paigŏni śhrīveṁkaḍeśhu-
naṭṭu niṭṭum̐ gūḍidivi alamelmaṁgā
guṭṭuna nannidam̐ḍelĕm̐ guchchidabudānavu
vŏṭṭuga vuramumīm̐da nuṁḍam̐gam̐galave