నీమనసు కోమలము నేనెఱుఁగుదును నీవు
(॥పల్లవి॥)
నీమనసు కోమలము నేనెఱుఁగుదును నీవు
భామ చేఁతలకు వేరే పదరేవు సుమ్మీ
(॥నీమ॥)
సగము గోపించి సతి సగము నవ్వె నీవు
మెగిఁ బయ్యదంటితి నీ మోము చూడఁగా
పగ పాడిగాదు నీతోఁ బరిఁహాచకము గాదు
యెగసక్కెమని ఇది యొగ్గువట్టేవుసుమ్మీ
(॥నీమ॥)
పేరుకొని నిన్నుఁ దిట్టి ప్రియముచెప్పెను చెలి
గోర నిన్ను నెచ్చరించి కుంగి మొక్కఁ గా
బారిజగడము గాదు పంతమిచ్చుటాఁ గాదు
వైరమాయనని పొందు వదలేవుసుమ్మీ
(॥నీమ॥)
ఆకడిమోమై ఇంతి ఆయమంటి నిన్నుఁ గూడె
జోకగా రతిబంధము చూపఁ గా నీవు
కైకొనకుండుట గాదు కడుఁ దమకము గాదు
యేకమై శ్రీవేంకటేశ యెడ సేవుసుమ్మీ
(||pallavi||)
nīmanasu komalamu nenĕṟum̐gudunu nīvu
bhāma sem̐talagu vere padarevu summī
(||nīma||)
sagamu gobiṁchi sadi sagamu navvĕ nīvu
mĕgim̐ bayyadaṁṭidi nī momu sūḍam̐gā
paga pāḍigādu nīdom̐ barim̐hāsagamu gādu
yĕgasakkĕmani idi yŏgguvaṭṭevusummī
(||nīma||)
perugŏni ninnum̐ diṭṭi priyamusĕppĕnu sĕli
gora ninnu nĕchchariṁchi kuṁgi mŏkkam̐ gā
bārijagaḍamu gādu paṁtamichchuḍām̐ gādu
vairamāyanani pŏṁdu vadalevusummī
(||nīma||)
āgaḍimomai iṁti āyamaṁṭi ninnum̐ gūḍĕ
jogagā radibaṁdhamu sūbam̐ gā nīvu
kaigŏnaguṁḍuḍa gādu kaḍum̐ damagamu gādu
yegamai śhrīveṁkaḍeśha yĕḍa sevusummī