నీగుణా లేల మానీని నేనె వేసరఁ గాక
(॥పల్లవి॥)
నీగుణా లేల మానీని నేనె వేసరఁ గాక
యేగతిఁ జెప్పినను నీయిచ్చ మానేవా
(॥నీగుణా॥)
పోరి పోరి నేఁ జెప్పినను బుద్దు లెల్లా నీ వాపెఁ
జేరఁబోయి కానికగాఁ జెప్పకుండేవా
గోరసేసి నడుమను గోళ్లురాచి నీ వలపు
పేరడిగా జగడాలు పెంచకుండేవా
(॥నీగుణా॥)
అద్దలించి నేఁ బెట్టిన ఆన లెల్లా నీ వాపె
వొద్దఁ బోయి సూడిదెగా వొట్టకుండేవా
బద్దుల నేరుపు లెల్లా పచరించి నీ మోహము
పెద్ద సేసి కైలాటాలు పెట్టకుండేవా
(॥నీగుణా॥)
పాసి పోకు మని నిన్ను బలిమి నేనేఁ గొన్న
బాస లాపెకుఁ గప్పము పట్టకుండేవా
గాసి చేసి నిన్ను శ్రీవెంకటనాథ కూడితిని
ఆసపడి నీ వాపె నంటకుండేవా.
(||pallavi||)
nīguṇā lela mānīni nenĕ vesaram̐ gāga
yegadim̐ jĕppinanu nīyichcha mānevā
(||nīguṇā||)
pori pori nem̐ jĕppinanu buddu lĕllā nī vābĕm̐
jeram̐boyi kānigagām̐ jĕppaguṁḍevā
gorasesi naḍumanu goḽlurāsi nī valabu
peraḍigā jagaḍālu pĕṁchaguṁḍevā
(||nīguṇā||)
addaliṁchi nem̐ bĕṭṭina āna lĕllā nī vābĕ
vŏddam̐ boyi sūḍidĕgā vŏṭṭaguṁḍevā
baddula nerubu lĕllā pasariṁchi nī mohamu
pĕdda sesi kailāḍālu pĕṭṭaguṁḍevā
(||nīguṇā||)
pāsi pogu mani ninnu balimi nenem̐ gŏnna
bāsa lābĕgum̐ gappamu paṭṭaguṁḍevā
gāsi sesi ninnu śhrīvĕṁkaḍanātha kūḍidini
āsabaḍi nī vābĕ naṁṭaguṁḍevā.