నీకుఁ గాంతకుఁ దెలుసు నీవెఱుఁగు దది యెఱుఁగు
(॥పల్లవి॥)
నీకుఁ గాంతకుఁ దెలుసు నీవెఱుఁగు దది యెఱుఁగు
నీకడాకడ వార లెవ్వ రెఱుఁగుదురు
(॥నీకుఁ॥)
తప్పకిటు నినుఁ జూచి తరుణి చనుఁగవమీఁదఁ
గప్పిన చెఱఁగువదలఁ గప్పనేఁటికిరా
చెప్పఁ జాలక పొలిఁతి చెలికరముఁదనకరము
నప్పళించుచు గోర నదిమె నేఁటికిరా
(॥నీకుఁ॥)
కాంత నీ చిరునవ్వు కనుఁగొనలఁ గని మనసు
వంత దెలుపక మొగము వంచ నేఁటికిరా
ఇంతి వేఱొకతె నిను నెలయించఁగాఁ జూచి
యంతలో నవలిమొగ మాయె నేఁటికిరా
(॥నీకుఁ॥)
ఎలమిఁగైకొని వేంకటేశ! నీవాతరుణి
నలమి కౌఁగిటఁ జేర్ప నసమబాణములు
జలజాయతాక్షి విచ్చనవిడిని తను మఱచి
యలర నేర్పులు నెఱపదాయె నేఁటికిరా
(||pallavi||)
nīgum̐ gāṁtagum̐ dĕlusu nīvĕṟum̐gu dadi yĕṟum̐gu
nīgaḍāgaḍa vāra lĕvva rĕṟum̐guduru
(||nīgum̐||)
tappagiḍu ninum̐ jūsi taruṇi sanum̐gavamīm̐dam̐
gappina sĕṟam̐guvadalam̐ gappanem̐ṭigirā
sĕppam̐ jālaga pŏlim̐ti sĕligaramum̐danagaramu
nappaḽiṁchusu gora nadimĕ nem̐ṭigirā
(||nīgum̐||)
kāṁta nī sirunavvu kanum̐gŏnalam̐ gani manasu
vaṁta dĕlubaga mŏgamu vaṁcha nem̐ṭigirā
iṁti veṟŏgadĕ ninu nĕlayiṁcham̐gām̐ jūsi
yaṁtalo navalimŏga māyĕ nem̐ṭigirā
(||nīgum̐||)
ĕlamim̐gaigŏni veṁkaḍeśha! nīvādaruṇi
nalami kaum̐giḍam̐ jerba nasamabāṇamulu
jalajāyadākṣhi vichchanaviḍini tanu maṟasi
yalara nerbulu nĕṟabadāyĕ nem̐ṭigirā