నీకు నేల తమకము నీకు అలపు నేఁడు
(॥పల్లవి॥)
నీకు నేల తమకము నీకు అలపు నేఁడు
నీకు వాఁడు మోహించి నీలోనె యుండఁగా
(॥నీకు॥)
తొడవుగాఁ గమ్మని కస్తురిఁ బొట్టుగాఁబెట్టి
జెడలల్లి జవ్వాది శిరసుపై నంటి
విడువని విరహపు వెచ్చ మేన దైవాఱ
నిడువాలుఁ గనుదోయి నీరు నించ నేఁటికి
(॥నీకు॥)
కొత్త ముత్యపు సరుల కుచ్చులు వీపున వ్రేల
నొత్తిలి చెక్కునఁ గర మూఁది మోమువంచి
లత్తుక మోవి గదల లలన నీచిన్నయెలుఁ
గెత్తి ప్రేమ దైవాఱ నెవ్వరిఁ బాడెదవే
(॥నీకు॥)
కొండలరాయుఁడు వాఁడు కోనేటితిమ్మఁడు నీ
నిండిన చిత్తములోన నీవు దానై యుండఁగాఁ
గొండగొన్న సుఖమెల్లఁ గొల్లలాడుదువుగాక
బొండుమల్లె పానుపుపై బొరలఁగ నేఁటికే
(||pallavi||)
nīgu nela tamagamu nīgu alabu nem̐ḍu
nīgu vām̐ḍu mohiṁchi nīlonĕ yuṁḍam̐gā
(||nīgu||)
tŏḍavugām̐ gammani kasturim̐ bŏṭṭugām̐bĕṭṭi
jĕḍalalli javvādi śhirasubai naṁṭi
viḍuvani virahabu vĕchcha mena daivāṟa
niḍuvālum̐ ganudoyi nīru niṁcha nem̐ṭigi
(||nīgu||)
kŏtta mutyabu sarula kuchchulu vībuna vrela
nŏttili sĕkkunam̐ gara mūm̐di momuvaṁchi
lattuga movi gadala lalana nīsinnayĕlum̐
gĕtti prema daivāṟa nĕvvarim̐ bāḍĕdave
(||nīgu||)
kŏṁḍalarāyum̐ḍu vām̐ḍu koneḍidimmam̐ḍu nī
niṁḍina sittamulona nīvu dānai yuṁḍam̐gām̐
gŏṁḍagŏnna sukhamĕllam̐ gŏllalāḍuduvugāga
bŏṁḍumallĕ pānububai bŏralam̐ga nem̐ṭige