(॥పల్లవి॥)
నీకు నీకే యేలికవు నేనంటినా
కాకరివిద్యలఁ బొంది కరఁగేవు గాక
(॥నీకు॥)
తీయని నామోవిమీఁద తేనెల తీపులేకాక
వోయయ్య ఆమాటలలో వొగరున్నదా
నీయంతనీవు సేసేటి నెరసులచేఁతలలో
పాయక వెంగేలుంద భ్రమసేవుగాక
(॥నీకు॥)
కన్నుల నాచూపులలో కమ్మిన తేటలేకాక
యెన్నటికెన్నటి సుద్ది యెఱ్ఱనున్నవా
నిన్న మొన్న నించుకొన్న నీమేనిరేకలు చూచి
పన్ని వొక్కటొక్కటే భావించేవుగాక
(॥నీకు॥)
నెట్టన నాచేఁతలలో నిండు సరసమేకాక
గట్టివజ్రపుగోళ్ళ ఘాతలున్నవా
యిట్టె శ్రీవేంకటేశ యెనసితివిటునన్ను
గుట్టున నవియూనిదీ గూడించేవుగాక
(||pallavi||)
nīgu nīge yeligavu nenaṁṭinā
kāgarividyalam̐ bŏṁdi karam̐gevu gāga
(||nīgu||)
tīyani nāmovimīm̐da tenĕla tībulegāga
voyayya āmāḍalalo vŏgarunnadā
nīyaṁtanīvu seseḍi nĕrasulasem̐talalo
pāyaga vĕṁgeluṁda bhramasevugāga
(||nīgu||)
kannula nāsūbulalo kammina teḍalegāga
yĕnnaḍigĕnnaḍi suddi yĕṭranunnavā
ninna mŏnna niṁchugŏnna nīmeniregalu sūsi
panni vŏkkaḍŏkkaḍe bhāviṁchevugāga
(||nīgu||)
nĕṭṭana nāsem̐talalo niṁḍu sarasamegāga
gaṭṭivajrabugoḽḽa ghādalunnavā
yiṭṭĕ śhrīveṁkaḍeśha yĕnasidiviḍunannu
guṭṭuna naviyūnidī gūḍiṁchevugāga