నీకు నీ సహజమిది నాకు నా సహజమిది
(॥పల్లవి॥)
నీకు నీ సహజమిది నాకు నా సహజమిది
యేకడా నీవే నిరుహేతుక బంధుఁడవు
(॥నీకు॥)
నే నిన్నుఁ దలఁచినా నెఱి నిన్ను మఱచినా
పూని నా యంతరాత్మవై వుండకపోవు
పూని నిన్నుఁ బూజించినాఁ బూజించకుండినాను
కానీలే యీశ్వరుఁడవుఁ గాక మానవు
(॥నీకు॥)
యిట్టె నే నడిగినా నేమీ నడుగకుండినా
జట్టిగా నీవు రక్షించక మానవు
తొట్టి నిన్ను దగ్గరినా దూరమున నుండినాను
పుట్టించి నీ గర్భములోఁ బొదలించకుండవు
(॥నీకు॥)
భావించి నీకు మొక్కినాఁ బరాకై మానినా-
నేవి చూచినా నీవై యిఁకఁ బాయవు
శ్రీవేంకటేశుఁడ నీవే చింతాయకుఁడవు
కావించేటి నా వుద్యోగములేమి బాఁతి
(||pallavi||)
nīgu nī sahajamidi nāgu nā sahajamidi
yegaḍā nīve niruheduga baṁdhum̐ḍavu
(||nīgu||)
ne ninnum̐ dalam̐sinā nĕṟi ninnu maṟasinā
pūni nā yaṁtarātmavai vuṁḍagabovu
pūni ninnum̐ būjiṁchinām̐ būjiṁchaguṁḍinānu
kānīle yīśhvarum̐ḍavum̐ gāga mānavu
(||nīgu||)
yiṭṭĕ ne naḍiginā nemī naḍugaguṁḍinā
jaṭṭigā nīvu rakṣhiṁchaga mānavu
tŏṭṭi ninnu daggarinā dūramuna nuṁḍinānu
puṭṭiṁchi nī garbhamulom̐ bŏdaliṁchaguṁḍavu
(||nīgu||)
bhāviṁchi nīgu mŏkkinām̐ barāgai māninā-
nevi sūsinā nīvai yim̐kam̐ bāyavu
śhrīveṁkaḍeśhum̐ḍa nīve siṁtāyagum̐ḍavu
kāviṁcheḍi nā vudyogamulemi bām̐ti