నీకు నాకు నెట్టుగూడె నీ వెట్టు నన్నేలితివి
(॥పల్లవి॥)
నీకు నాకు నెట్టుగూడె నీ వెట్టు నన్నేలితివి
యీ కరుణకే మొక్కితి నిందిరారమణా
(॥నీకు॥)
కమలాక్ష నీ వనంతకల్యాణగుణనిధివి
అమితదుర్గుణరాసి నన్నిటా నేను
అమరఁగ స్వతంత్రుఁడ వటు నిన్ను నెంచితేను
తమి నించుకంతా స్వతంత్రుఁడ నేఁ గాను
(॥నీకు॥)
దేవ నీవైతే సర్వదేవరక్షకుఁడవు నే
జీవుఁడ నింద్రియాలఁ బెంచేవాఁడను
ఆవల బ్రహ్మాండాల కన్నిటాఁ బొడవు నీవు
భావించ నేనణువై పరగేటివాఁడను
(॥నీకు॥)
నానార్థసంపన్నుఁడవు నావల్ల నేమి గంటివి
ఆనుక నా యంతర్యామివై పాయవు
శ్రీనిధివి నీవైతే శ్రీవేంకటాద్రిపతివి
దీనుఁడ నొకఁడ నేను ద్రిష్టించి కాచితివి
(||pallavi||)
nīgu nāgu nĕṭṭugūḍĕ nī vĕṭṭu nannelidivi
yī karuṇage mŏkkidi niṁdirāramaṇā
(||nīgu||)
kamalākṣha nī vanaṁtagalyāṇaguṇanidhivi
amidadurguṇarāsi nanniḍā nenu
amaram̐ga svadaṁtrum̐ḍa vaḍu ninnu nĕṁchidenu
tami niṁchugaṁtā svadaṁtrum̐ḍa nem̐ gānu
(||nīgu||)
deva nīvaide sarvadevarakṣhagum̐ḍavu ne
jīvum̐ḍa niṁdriyālam̐ bĕṁchevām̐ḍanu
āvala brahmāṁḍāla kanniḍām̐ bŏḍavu nīvu
bhāviṁcha nenaṇuvai parageḍivām̐ḍanu
(||nīgu||)
nānārdhasaṁpannum̐ḍavu nāvalla nemi gaṁṭivi
ānuga nā yaṁtaryāmivai pāyavu
śhrīnidhivi nīvaide śhrīveṁkaḍādribadivi
dīnum̐ḍa nŏgam̐ḍa nenu driṣhṭiṁchi kāsidivi