(॥పల్లవి॥)
నీకేమయ్యా నీకు నీవే దొడ్డవాఁడవు
చేకొని చెట్టడిచితే చేటఁడేసి వావులు
(॥నీకే॥)
తలపోఁతలొక్కటైతే తమక మినుమడాయ
నిలువుకు నిలువే నీబేరము
కొలిచినందే కొలిచి గోపికలకెల్లాను
వలవఁదీసితివిగా వలపులు నీవు
(॥నీకే॥)
నగవులు మానెఁడైతే ననుపులడ్డెఁడేశాయ
నిగిడె నన్నచోట్లా నీబేరము
అగడుగా నాఁగిచ్చి(?) అంగనలకెల్లాను
జిగి వడ్డిగొంటివి సిగ్గులెల్లా నీవు
(॥నీకే॥)
మోవితేనగ్గువలైతే ముదములు లాభమాయ
నీవు నన్నుఁ గూడినదే నీబేరము
భావించి శ్రీ వేంకటేశ పడఁతులకెల్లాను
వావాత నమ్మితివిగా వయసులు నీవు
(||pallavi||)
nīgemayyā nīgu nīve dŏḍḍavām̐ḍavu
segŏni sĕṭṭaḍiside seḍam̐ḍesi vāvulu
(||nīge||)
talabom̐talŏkkaḍaide tamaga minumaḍāya
niluvugu niluve nīberamu
kŏlisinaṁde kŏlisi gobigalagĕllānu
valavam̐dīsidivigā valabulu nīvu
(||nīge||)
nagavulu mānĕm̐ḍaide nanubulaḍḍĕm̐ḍeśhāya
nigiḍĕ nannasoṭlā nīberamu
agaḍugā nām̐gichchi(?) aṁganalagĕllānu
jigi vaḍḍigŏṁṭivi siggulĕllā nīvu
(||nīge||)
movidenagguvalaide mudamulu lābhamāya
nīvu nannum̐ gūḍinade nīberamu
bhāviṁchi śhrī veṁkaḍeśha paḍam̐tulagĕllānu
vāvāda nammidivigā vayasulu nīvu