నీకెటు వలసె నటుసేయి నీచిత్తము నా భాగ్యము
(॥పల్లవి॥)
నీకెటు వలసె నటుసేయి నీచిత్తము నా భాగ్యము
యేకడనైనా లక్ష్మీకాంతుఁడ ఇదియే పో నా విన్నపము
(॥నీకె॥)
నాగుణములే యెంచితినా నరక కూపములు చాలవు
ఆగతినే నాకర్మములూ అనుభవించి తీర్చెనంటే
నీ గుణములే యెంచితివా నిఖిలసంపదలు చాలవు
యీగి ననుఁ గరుణించి యెపుడు నీవిచ్చేనంటేను
(॥నీకె॥)
నా పాపములే లెక్కించితినా నదుల యిసుకలునుఁ జాలవు
యేపున నెంతైనాఁ గలదు అది యెన్నఁడు దీరును దేవా
చేపట్టి నీవు రక్షించిన యాజీవుల నెంచితివా తొల్లి
చూపట్టెడి యీయాకసంబు పై చుక్కలకంటే ఘనము
(॥నీకె॥)
మఱి నాసుద్దులు యెంచఁగ నెంచఁగ మంచముకిందే నూయి
గుఱి నీకథలివి వినఁబోతే నివే కొండలుఁ గోటానఁగోట్లు
నెఱవుగ శ్రీవేంకటేశ్వర నీకే నే శరణాగతి చొచ్చితిని
తఱి దరిచేర్పఁగఁ గూడువెట్టఁగా దైవమ నీకే భారము
(||pallavi||)
nīgĕḍu valasĕ naḍuseyi nīsittamu nā bhāgyamu
yegaḍanainā lakṣhmīgāṁtum̐ḍa idiye po nā vinnabamu
(||nīgĕ||)
nāguṇamule yĕṁchidinā naraga kūbamulu sālavu
āgadine nāgarmamulū anubhaviṁchi tīrsĕnaṁṭe
nī guṇamule yĕṁchidivā nikhilasaṁpadalu sālavu
yīgi nanum̐ garuṇiṁchi yĕbuḍu nīvichchenaṁṭenu
(||nīgĕ||)
nā pābamule lĕkkiṁchidinā nadula yisugalunum̐ jālavu
yebuna nĕṁtainām̐ galadu adi yĕnnam̐ḍu dīrunu devā
sebaṭṭi nīvu rakṣhiṁchina yājīvula nĕṁchidivā tŏlli
sūbaṭṭĕḍi yīyāgasaṁbu pai sukkalagaṁṭe ghanamu
(||nīgĕ||)
maṟi nāsuddulu yĕṁcham̐ga nĕṁcham̐ga maṁchamugiṁde nūyi
guṟi nīgathalivi vinam̐bode nive kŏṁḍalum̐ goḍānam̐goṭlu
nĕṟavuga śhrīveṁkaḍeśhvara nīge ne śharaṇāgadi sŏchchidini
taṟi dariserbam̐gam̐ gūḍuvĕṭṭam̐gā daivama nīge bhāramu