నీకే తెలుసు నాపెకు నీకంటేఁ దెలుసు
(॥పల్లవి॥)
నీకే తెలుసు నాపెకు నీకంటేఁ దెలుసు
నాకు నిష్ఠూరాల మీలో వంతువెట్టేవారమా
(॥నీకే॥)
సందడించి నీపయినింతి సణఁగులు చల్లఁగాను
విందువలె నీ వాపెను వేఁడుకోఁగాను
కందువచూడఁ గన్నులు గలవారమింతే నేము
చెంది మీతో సాకిర్లు చెప్పేటివారమా
(॥నీకే॥)
పంతమాడి నీకు చెలి పగటులు చూపఁగాను
యెంతకైనా నీవాపెతో నియ్యకోఁగాను
సంతలోని పనివలె సమ్మతించేవారమింతే
బంతిఁబెట్టి మిమ్ము నొడఁబరచేవారమా
(॥నీకే॥)
కాయమిచ్చి సతి నిన్ను కాఁగిటఁ గూడఁగాను
నీయంత శ్రీవేంకటేశ నీవు మెచ్చఁగా
పాయపు వలపు తొల్లే పాలువట్టేవారమింతే
నాయములు చెప్పి మిమ్ము నవ్వేటివారమా
(||pallavi||)
nīge tĕlusu nābĕgu nīgaṁṭem̐ dĕlusu
nāgu niṣhṭhūrāla mīlo vaṁtuvĕṭṭevāramā
(||nīge||)
saṁdaḍiṁchi nībayiniṁti saṇam̐gulu sallam̐gānu
viṁduvalĕ nī vābĕnu vem̐ḍugom̐gānu
kaṁduvasūḍam̐ gannulu galavāramiṁte nemu
sĕṁdi mīdo sāgirlu sĕppeḍivāramā
(||nīge||)
paṁtamāḍi nīgu sĕli pagaḍulu sūbam̐gānu
yĕṁtagainā nīvābĕdo niyyagom̐gānu
saṁtaloni panivalĕ sammadiṁchevāramiṁte
baṁtim̐bĕṭṭi mimmu nŏḍam̐barasevāramā
(||nīge||)
kāyamichchi sadi ninnu kām̐giḍam̐ gūḍam̐gānu
nīyaṁta śhrīveṁkaḍeśha nīvu mĕchcham̐gā
pāyabu valabu tŏlle pāluvaṭṭevāramiṁte
nāyamulu sĕppi mimmu navveḍivāramā