నీకే నే శరణు నీవు నన్నుఁ గరుణించు
(॥పల్లవి॥)
నీకే నే శరణు నీవు నన్నుఁ గరుణించు
యీకడ నాకడ దిక్కు యెవ్వరున్నా రిఁకను
(॥నీకే॥)
కన్నులఁ జంద్రసూర్యులుగలవేలుపవు నీవు
పన్నినలక్ష్మిభూమిపతివి నీవు
అన్నిటా బ్రహ్మకుఁ దండ్రియైన యాదివేలుపవు
యెన్నఁగ నీకంటే ఘన మెవ్వరున్నా రిఁకను
(॥నీకే॥)
దేవతలందరు నీ తిరుమేనైనమూర్తి
ఆవలఁ బాదాన లోక మణఁచితివి
నీవొక్కఁడవే నిలిచిన దేవుఁడవు
యేవేళ నీకంటే నెక్కుడెవ్వరున్నా రిఁకను
(॥నీకే॥)
అరసి జీవులకెల్ల నంతరాత్మవైన హరి
సిరుల వరములిచ్చే శ్రీవేంకటేశ
పురుషోత్తముఁడవు భువనరక్షకుఁడవు
యిరవైననీవేకాక యెవ్వరున్నా రిఁకను
(||pallavi||)
nīge ne śharaṇu nīvu nannum̐ garuṇiṁchu
yīgaḍa nāgaḍa dikku yĕvvarunnā rim̐kanu
(||nīge||)
kannulam̐ jaṁdrasūryulugalavelubavu nīvu
panninalakṣhmibhūmibadivi nīvu
anniḍā brahmagum̐ daṁḍriyaina yādivelubavu
yĕnnam̐ga nīgaṁṭe ghana mĕvvarunnā rim̐kanu
(||nīge||)
devadalaṁdaru nī tirumenainamūrdi
āvalam̐ bādāna loga maṇam̐sidivi
nīvŏkkam̐ḍave nilisina devum̐ḍavu
yeveḽa nīgaṁṭe nĕkkuḍĕvvarunnā rim̐kanu
(||nīge||)
arasi jīvulagĕlla naṁtarātmavaina hari
sirula varamulichche śhrīveṁkaḍeśha
puruṣhottamum̐ḍavu bhuvanarakṣhagum̐ḍavu
yiravainanīvegāga yĕvvarunnā rim̐kanu