నీకంటే నితరము మరి లేదు నేనెవ్వరితో భాషింతు
(॥పల్లవి॥)
నీకంటే నితరము మరి లేదు నేనెవ్వరితో భాషింతు
"యేకో నారాణుఁడవు నీ"వని యెన్నుచు నున్నవి వేదములు
(॥నీకంటే॥)
యెక్కడచూచిన నీరూపంబులే యెవ్వరిఁజూచినఁ దోఁచిని
వెక్కసముగ నీమహిమ యనంతము విశ్వాత్మకుఁడవుగాన
నిక్కి యెవ్వరిని బేర్కొని పిలిచిన నీనామములై తోఁచీని
వక్కణించఁగా సకలశబ్దములవాచ్యుఁడవటు గాన
(॥నీకంటే॥)
యేపనిచేసిన నీపనులే అవి యివ్వలనవ్వలఁ దోఁచీని
పాపపుణ్యమని తోఁచదు నీవే పరచైతన్యమవటు గాన
దాపుగ మతిలోనేమి దలఁచినా ధాన్యము నీదైతోఁచీని
లోపల వెలుపల నిండుక వుండెది లోకపూర్ణుఁడవు గాన
(॥నీకంటే॥)
యీ యర్థమునకు నేననువాఁడను యెక్కడ నున్నాఁడ నీలోనే
కాయధారినై యేర్పడి నీలోఁగాక చరించితి యిన్నాళ్లు
యీ యపరాధము యెంచకుమీ నను యిందునె పో నీశరణంటి
పాయక నిన్నిఁక శ్రీవేంకటపతి పరబ్రహమవుఅటు గాన
(||pallavi||)
nīgaṁṭe nidaramu mari ledu nenĕvvarido bhāṣhiṁtu
"yego nārāṇum̐ḍavu nī"vani yĕnnusu nunnavi vedamulu
(||nīgaṁṭe||)
yĕkkaḍasūsina nīrūbaṁbule yĕvvarim̐jūsinam̐ dom̐sini
vĕkkasamuga nīmahima yanaṁtamu viśhvātmagum̐ḍavugāna
nikki yĕvvarini bergŏni pilisina nīnāmamulai tom̐sīni
vakkaṇiṁcham̐gā sagalaśhabdamulavāchyum̐ḍavaḍu gāna
(||nīgaṁṭe||)
yebanisesina nībanule avi yivvalanavvalam̐ dom̐sīni
pābabuṇyamani tom̐sadu nīve parasaidanyamavaḍu gāna
dābuga madilonemi dalam̐sinā dhānyamu nīdaidom̐sīni
lobala vĕlubala niṁḍuga vuṁḍĕdi logabūrṇum̐ḍavu gāna
(||nīgaṁṭe||)
yī yardhamunagu nenanuvām̐ḍanu yĕkkaḍa nunnām̐ḍa nīlone
kāyadhārinai yerbaḍi nīlom̐gāga sariṁchidi yinnāḽlu
yī yabarādhamu yĕṁchagumī nanu yiṁdunĕ po nīśharaṇaṁṭi
pāyaga ninnim̐ka śhrīveṁkaḍabadi parabrahamavuaḍu gāna