(॥పల్లవి॥)
నీతోడి సాములకు నెలఁత వోపఁగలదా
రాతిరిఁ బగలు నింత రాఁపుసేతురా
(॥నీతో॥)
కామతంత్రముల నిట్టె కడు నలయించఁగాను
మోము చూచి యింతి నీకు మొక్కు మొక్కీని
గోమునఁ బెంచినయట్టి గొజ్జఁగపూవువంటిది
గామిడితనాల నింత గాసిసేతురా
(॥నీతో॥)
చలపట్టి కుచములు సారె నీవు పిసుకఁగా
వెలది గడ్డమువట్టి వేఁడుకొనీని
నెలకొన్న అరచేతి నిమ్మపండువంటిది
వలపుల కాతరాన వాడింతురా
(॥నీతో॥)
మునుకొని కూడుతానె మోవిగంటి సేయఁగాను
అనువుగా నీకుఁ బ్రియము చెప్పీని
ఘనుఁడ శ్రీ వెంకటేశ కప్పురమువంటిదీకె
పెనఁగులాటలనే బెండుసేతురా
(||pallavi||)
nīdoḍi sāmulagu nĕlam̐ta vobam̐galadā
rādirim̐ bagalu niṁta rām̐pusedurā
(||nīdo||)
kāmadaṁtramula niṭṭĕ kaḍu nalayiṁcham̐gānu
momu sūsi yiṁti nīgu mŏkku mŏkkīni
gomunam̐ bĕṁchinayaṭṭi gŏjjam̐gabūvuvaṁṭidi
gāmiḍidanāla niṁta gāsisedurā
(||nīdo||)
salabaṭṭi kusamulu sārĕ nīvu pisugam̐gā
vĕladi gaḍḍamuvaṭṭi vem̐ḍugŏnīni
nĕlagŏnna arasedi nimmabaṁḍuvaṁṭidi
valabula kādarāna vāḍiṁturā
(||nīdo||)
munugŏni kūḍudānĕ movigaṁṭi seyam̐gānu
anuvugā nīgum̐ briyamu sĕppīni
ghanum̐ḍa śhrī vĕṁkaḍeśha kappuramuvaṁṭidīgĕ
pĕnam̐gulāḍalane bĕṁḍusedurā