నీదేవులే నిన్ను నేరములెంచీఁ గాక
(॥పల్లవి॥)
నీదేవులే నిన్ను నేరములెంచీఁ గాక
పాదు సేసుకొని నిన్ను పచ్చిసేయఁ దగునా
(॥నీదే॥)
మఱచినా నీమాట మాడసేసుఁ గోటిసేసు
యెఱిఁగి తలఁచుకొంటే యెంతైనాఁ జేసు
యెఱఁగనెట్టువచ్చు యింతేసి దొరలను
తఱి వేచి చెలులము తప్పులెంచఁ దగునా
(॥నీదే॥)
రాతిరింటి నీపనులు రతికెక్కు రచ్చకెక్కు
యీతల వేగి లేచితే నింటికెక్కును
చేతనటు చూపువచ్చు చెల్లుబడిగలవారి
ఘాతసేసి చెలులము కక్కసించఁ దగునా
(॥నీదే॥)
మునుకొన్న నీగుట్టు మొదలౌను కొనయౌను
ననిచి చించివేసితే నడుమౌను
వనితఁ గూడితివిట్టె వైపుగా శ్రీవెంకటేశ
పనివడి చెలులము బాసగొనఁ దగునా
(||pallavi||)
nīdevule ninnu neramulĕṁchīm̐ gāga
pādu sesugŏni ninnu pachchiseyam̐ dagunā
(||nīde||)
maṟasinā nīmāḍa māḍasesum̐ goḍisesu
yĕṟim̐gi talam̐sugŏṁṭe yĕṁtainām̐ jesu
yĕṟam̐ganĕṭṭuvachchu yiṁtesi dŏralanu
taṟi vesi sĕlulamu tappulĕṁcham̐ dagunā
(||nīde||)
rādiriṁṭi nībanulu radigĕkku rachchagĕkku
yīdala vegi leside niṁṭigĕkkunu
sedanaḍu sūbuvachchu sĕllubaḍigalavāri
ghādasesi sĕlulamu kakkasiṁcham̐ dagunā
(||nīde||)
munugŏnna nīguṭṭu mŏdalaunu kŏnayaunu
nanisi siṁchiveside naḍumaunu
vanidam̐ gūḍidiviṭṭĕ vaibugā śhrīvĕṁkaḍeśha
panivaḍi sĕlulamu bāsagŏnam̐ dagunā