నీ వొక్కఁడవే నాకుఁ జాలు నీరజాక్ష నారాయణ
(॥పల్లవి॥)
నీ వొక్కఁడవే నాకుఁ జాలు నీరజాక్ష నారాయణ
నీవే నాకు గతియని తెలిసితి నెక్కొని యితరము వృథా వృథా
(॥నీవొ॥)
మీ నామోచ్చారణమే మెరసిన దుఃఖనివారణము
మీ నామోచ్చారణమే మెలఁగు శుభకరము
నానావేదశాస్త్రములు నవపురాణేతిహాసములు
మీ నామములోనే వున్నవి మిగిలిన విన్నియు వృథా వృథా
(॥నీవొ॥)
నీ పాదమూలము నింగియు భువియు రసాతలము
నీ పాదమూలము నిఖిలజీవపరిణామములు
దీపించిన చరాచరంబులు దివ్యులు మునులును సర్వమును
నీ పాదమూలమే మరి నెరి నితరంబులు వృథా వృథా
(॥నీవొ॥)
దేవ మీతిరుమేను దిక్కును బ్రహ్మాండాధారము
దేవ మీతిరుమే నుత్పత్తిస్థితిలయములకును ఆకరము
శ్రీవేంకటపతి నాభావము చిత్తము నీకే సమర్పణ
దేవ మీశరణము చొచ్చితి దిక్కులన్నియును వృథా వృథా
(||pallavi||)
nī vŏkkam̐ḍave nāgum̐ jālu nīrajākṣha nārāyaṇa
nīve nāgu gadiyani tĕlisidi nĕkkŏni yidaramu vṛthā vṛthā
(||nīvŏ||)
mī nāmochchāraṇame mĕrasina duḥkhanivāraṇamu
mī nāmochchāraṇame mĕlam̐gu śhubhagaramu
nānāvedaśhāstramulu navaburāṇedihāsamulu
mī nāmamulone vunnavi migilina vinniyu vṛthā vṛthā
(||nīvŏ||)
nī pādamūlamu niṁgiyu bhuviyu rasādalamu
nī pādamūlamu nikhilajīvabariṇāmamulu
dībiṁchina sarāsaraṁbulu divyulu munulunu sarvamunu
nī pādamūlame mari nĕri nidaraṁbulu vṛthā vṛthā
(||nīvŏ||)
deva mīdirumenu dikkunu brahmāṁḍādhāramu
deva mīdirume nutpattisthidilayamulagunu āgaramu
śhrīveṁkaḍabadi nābhāvamu sittamu nīge samarbaṇa
deva mīśharaṇamu sŏchchidi dikkulanniyunu vṛthā vṛthā