నీ వేమి సేతు వాపె నిన్నుఁ బెరరేఁచగాను
(॥పల్లవి॥)
నీ వేమి సేతు వాపె నిన్నుఁ బెరరేఁచగాను
తావుల సాకిరి గోరఁ దగదా నిన్నును
(॥నీవేమి॥)
పోరాడే వాపెకుఁగా వూనుక నీవు రాఁగా
మేరతోఁ జుట్టా లెల్లా మెచ్చకుండేరా
సారె సారెఁ బిరిదూరి సాకిరులు చెప్పఁగాను
తీరిచేటి చెలు లెల్ల దీవించకుందురా
(॥నీవేమి॥)
కన్నుగీఁ టాపెకు నాకుఁ గై లాటాలు వెట్టఁగాను
కన్న విన్న వారెల్లాఁ బొగడకుండేరా
మన్నించి యాపెకు నీవు మాఁట లందియియ్యఁగాను
సన్నల వాడవారెల్లా సంతసించకుందురా
(॥నీవేమి॥)
సందడి జగడాలలో సారె నన్నుఁ బట్టఁగాను
అందరును నిన్నె మేలనకుండేరా
అంది శ్రీవెంకటనాథ ఆపెను నన్నుఁ గూడితి
విందురు నీచేఁత లివి యెంచకుండేరా.
(||pallavi||)
nī vemi sedu vābĕ ninnum̐ bĕrarem̐sagānu
tāvula sāgiri goram̐ dagadā ninnunu
(||nīvemi||)
porāḍe vābĕgum̐gā vūnuga nīvu rām̐gā
meradom̐ juṭṭā lĕllā mĕchchaguṁḍerā
sārĕ sārĕm̐ biridūri sāgirulu sĕppam̐gānu
tīriseḍi sĕlu lĕlla dīviṁchaguṁdurā
(||nīvemi||)
kannugīm̐ ṭābĕgu nāgum̐ gai lāḍālu vĕṭṭam̐gānu
kanna vinna vārĕllām̐ bŏgaḍaguṁḍerā
manniṁchi yābĕgu nīvu mām̐ṭa laṁdiyiyyam̐gānu
sannala vāḍavārĕllā saṁtasiṁchaguṁdurā
(||nīvemi||)
saṁdaḍi jagaḍālalo sārĕ nannum̐ baṭṭam̐gānu
aṁdarunu ninnĕ melanaguṁḍerā
aṁdi śhrīvĕṁkaḍanātha ābĕnu nannum̐ gūḍidi
viṁduru nīsem̐ta livi yĕṁchaguṁḍerā.