నీ తలనే వేగెనా నెట్టుకొన్న వలపులు
(॥పల్లవి॥)
నీ తలనే వేగెనా నెట్టుకొన్న వలపులు
యేతుల సిగ్గువడకు యింటికాడి బేరము
(॥నీతల॥)
చేసెనా అంగన నీకు చేసన్నలెల్లాను
వ్రాసెనా చెక్కుల గోరివాతలెల్లాను
మూసుకొనేవేమి నేఁడు మొగవాఁడవిందరిలో
దోసమా నీకందుకేమి తొలుసారిలాబము
(॥నీతల॥)
నేరిపెనా ఆపెనీకు నిండుకొన్న విద్యలెల్లా
సారపుమోవితీపులు చవిచూపెనా
ఆరసియుఁ గొంకనేల అన్నిటా జాణవు నీకు
భారములేదించుకంతా బండవలము నీకు
(॥నీతల॥)
కూడించె యాపె నీకు గురుతైన పొంతనాలు
వీడెమిచ్చెనా యిట్టే వెల్లవిరిగా
యీడనే శ్రీ వెంకటేశ యిటు నన్నునేలితివి
ఆడనీడానొక్కవెలే అంగడిలో సరకు
(||pallavi||)
nī talane vegĕnā nĕṭṭugŏnna valabulu
yedula sigguvaḍagu yiṁṭigāḍi beramu
(||nīdala||)
sesĕnā aṁgana nīgu sesannalĕllānu
vrāsĕnā sĕkkula gorivādalĕllānu
mūsugŏnevemi nem̐ḍu mŏgavām̐ḍaviṁdarilo
dosamā nīgaṁdugemi tŏlusārilābamu
(||nīdala||)
neribĕnā ābĕnīgu niṁḍugŏnna vidyalĕllā
sārabumovidībulu savisūbĕnā
ārasiyum̐ gŏṁkanela anniḍā jāṇavu nīgu
bhāramulediṁchugaṁtā baṁḍavalamu nīgu
(||nīdala||)
kūḍiṁchĕ yābĕ nīgu gurudaina pŏṁtanālu
vīḍĕmichchĕnā yiṭṭe vĕllavirigā
yīḍane śhrī vĕṁkaḍeśha yiḍu nannunelidivi
āḍanīḍānŏkkavĕle aṁgaḍilo saragu