(॥పల్లవి॥)
నీ మహత్త్వంబు లోనికిఁ వెలుపలికిఁ గప్పి
కామింప నిట్టిదని కానరా దటుగాన
(॥నీమ॥)
నిండి యిన్నిటిలోన నీవు గలవని భ్రాంతి-
నుండుదువుగాని నీ వొకటియునుఁ గావు
దండిగలగిరి ప్రతిద్వని దోచుఁగాని యది
కొండలోపల లేదు కొండయునుఁ గాదు
(॥నీమ॥)
బలసి యిన్నిటిలోపలనుఁ జైతన్యమై
మెలఁగుదువుగాని యేమిట నీవు లేవు
పలుదెరఁగులైన దర్పణమునందొక నీడ
వొలయుఁగా కందు దలపోయు నది లేదు
(॥నీమ॥)
వుడుగ కన్నిటిలోన నుండుటయు లేదు నీ-
వుడివోయి యందుండ కుండుటయు లేదు
చెడనితేజముగాన శ్రీవేంకటేశ నీ-
పొడవు పరిపర్ణమై పొలుపొందుఁగాన
(||pallavi||)
nī mahattvaṁbu lonigim̐ vĕlubaligim̐ gappi
kāmiṁpa niṭṭidani kānarā daḍugāna
(||nīma||)
niṁḍi yinniḍilona nīvu galavani bhrāṁti-
nuṁḍuduvugāni nī vŏgaḍiyunum̐ gāvu
daṁḍigalagiri pradidvani dosum̐gāni yadi
kŏṁḍalobala ledu kŏṁḍayunum̐ gādu
(||nīma||)
balasi yinniḍilobalanum̐ jaidanyamai
mĕlam̐guduvugāni yemiḍa nīvu levu
paludĕram̐gulaina darbaṇamunaṁdŏga nīḍa
vŏlayum̐gā kaṁdu dalaboyu nadi ledu
(||nīma||)
vuḍuga kanniḍilona nuṁḍuḍayu ledu nī-
vuḍivoyi yaṁduṁḍa kuṁḍuḍayu ledu
sĕḍanidejamugāna śhrīveṁkaḍeśha nī-
pŏḍavu paribarṇamai pŏlubŏṁdum̐gāna