(॥పల్లవి॥)
నీ గురుతులు చూచుకో నీ బిరుదు లెంచుకో
యీ గతిని కలబంట నిఁక నన్నుఁ గావవే
(॥నీగు॥)
కానిలే నేనెంత కఠినచిత్తుఁడనైన
నానొసల నివే పట్టెనామములు
మేను తోలునెమ్ములతో మెరసినదైనాను
పూనితిఁ దమ్మితులసి పూసల పేరులు
(॥నీగు॥)
భ్రమసి నేఁజేసినవి పాపకర్మములైనాను
జమళి భుజాల నివే శంఖచక్రాలు
అమరఁ దఱచుగా నే నాడేవి కల్లలైనా
తమిఁ బాడీ నాలిక నీతగు సంకీర్తనలు
(॥నీగు॥)
తలఁచితే నావోజ తామస గుణమైనాను
పిలిచేది భువిలో నాపేరు తిమ్మఁడు
అలర శ్రీవేంకటేశ అన్నిటనే దుష్టనైనా
తలకొనె నా యందు దాసరి తనములు
(||pallavi||)
nī gurudulu sūsugo nī birudu lĕṁchugo
yī gadini kalabaṁṭa nim̐ka nannum̐ gāvave
(||nīgu||)
kānile nenĕṁta kaṭhinasittum̐ḍanaina
nānŏsala nive paṭṭĕnāmamulu
menu tolunĕmmulado mĕrasinadainānu
pūnidim̐ dammidulasi pūsala perulu
(||nīgu||)
bhramasi nem̐jesinavi pābagarmamulainānu
jamaḽi bhujāla nive śhaṁkhasakrālu
amaram̐ daṟasugā ne nāḍevi kallalainā
tamim̐ bāḍī nāliga nīdagu saṁkīrdanalu
(||nīgu||)
talam̐side nāvoja tāmasa guṇamainānu
pilisedi bhuvilo nāberu timmam̐ḍu
alara śhrīveṁkaḍeśha anniḍane duṣhṭanainā
talagŏnĕ nā yaṁdu dāsari tanamulu