(॥పల్లవి॥)
నెపములన్నియు నీవు నేరిచినవే
కపటాలు మాయెడకు గడించకువయ్యా
(॥నెప॥)
చిగురువంటిది మేను శిలవంటిది మనసు
యెగసక్యములు మాతోనేలయ్యా
నగపువంటిది తమి నామువంటిది వలపు
తగవులఁబెట్టి మాతో తక్కించకువయ్యా
(॥నెప॥)
అద్దమువంటి వయసు అమ్మువంటికోపము
సుద్దుల మా మనసేమి సోదించేవయ్యా
పొద్ధువంటిదడియాస పూఁసవంటిది గుణము
గద్దించి మమ్మేల నీవు కైకొలిపేవయ్యా
(॥నెప॥)
చుట్టుమువంటిది వావి సూదివంటిది చూపు
చెట్టువట్టి మమ్మునేల చెనకేవయ్యా
యిట్టె శ్రీ వేంకటేశ యెనసితివిటు నన్ను
పట్టిన పంతముదక్కెఁ బదరకువయ్యా
(||pallavi||)
nĕbamulanniyu nīvu nerisinave
kabaḍālu māyĕḍagu gaḍiṁchaguvayyā
(||nĕba||)
siguruvaṁṭidi menu śhilavaṁṭidi manasu
yĕgasakyamulu mādonelayyā
nagabuvaṁṭidi tami nāmuvaṁṭidi valabu
tagavulam̐bĕṭṭi mādo takkiṁchaguvayyā
(||nĕba||)
addamuvaṁṭi vayasu ammuvaṁṭigobamu
suddula mā manasemi sodiṁchevayyā
pŏddhuvaṁṭidaḍiyāsa pūm̐savaṁṭidi guṇamu
gaddiṁchi mammela nīvu kaigŏlibevayyā
(||nĕba||)
suṭṭumuvaṁṭidi vāvi sūdivaṁṭidi sūbu
sĕṭṭuvaṭṭi mammunela sĕnagevayyā
yiṭṭĕ śhrī veṁkaḍeśha yĕnasidiviḍu nannu
paṭṭina paṁtamudakkĕm̐ badaraguvayyā