నే నేరుపవలెనా నెలఁతకు నివి యల్లా
(॥పల్లవి॥)
నే నేరుపవలెనా నెలఁతకు నివి యల్లా
సానఁ బట్టుకోనేరదా సకియ నీ మనసు
(॥నేనే॥)
నవ్వులనే నీవింత నాలిసేసేవాఁడవౌత
యెవ్వరు నెఱఁగరా యెమ్మెలేఁటికి
నివ్వటిల్లఁ గైలాటాలు నేఁ బెట్టితిననేవింత
జవ్వని యాపెఱఁగదా చల్లని నీగుణము
(॥నేనే॥)
జంకెననే నీవప్పటి సందుకొనేవాఁడవౌత
పొంకాన వచ్చేదేకాదా పొద్దువొద్దుకు
సంకెదీర నిన్నాపెతో జగడాలు వెట్టితినా
అంకెల నాపెఱఁగదా అచ్చప నీసాజము
(॥నేనే॥)
కందువనింతులఁ జూచి కలసేటి వాఁడవౌత
చందమయ్యేకాదా(?) సారె సారెకు
పొందితి శ్రీవెంకటేశ పొరుగున మమ్మిద్దరి
ముందర నాపెఱఁగదా ముచ్చట నీవలపు
(||pallavi||)
ne nerubavalĕnā nĕlam̐tagu nivi yallā
sānam̐ baṭṭugoneradā sagiya nī manasu
(||nene||)
navvulane nīviṁta nālisesevām̐ḍavauda
yĕvvaru nĕṟam̐garā yĕmmĕlem̐ṭigi
nivvaḍillam̐ gailāḍālu nem̐ bĕṭṭidinaneviṁta
javvani yābĕṟam̐gadā sallani nīguṇamu
(||nene||)
jaṁkĕnane nīvappaḍi saṁdugŏnevām̐ḍavauda
pŏṁkāna vachchedegādā pŏdduvŏddugu
saṁkĕdīra ninnābĕdo jagaḍālu vĕṭṭidinā
aṁkĕla nābĕṟam̐gadā achchaba nīsājamu
(||nene||)
kaṁduvaniṁtulam̐ jūsi kalaseḍi vām̐ḍavauda
saṁdamayyegādā(?) sārĕ sārĕgu
pŏṁdidi śhrīvĕṁkaḍeśha pŏruguna mammiddari
muṁdara nābĕṟam̐gadā muchchaḍa nīvalabu