నవ్వితినే నీమాటకు నాలో నేను
(॥పల్లవి॥)
నవ్వితినే నీమాటకు నాలో నేను
నవ్వులలో నున్నదిరా నాఁటుకొన్న వలపు
(॥నవ్వి॥)
కప్పురము వంటి మాట కారము వంటి చూపులు
చొప్పులు రెండువంకలాఁ జూపేవిదేమే
దెప్పరపు మదముతోఁ దెలుసుకోవేర నీవు
కప్పురపు విడెములోఁ గారమే కాదా
(॥నవ్వి॥)
విందువంటి వినయాలు వేఁడివంటి జంకెనలు
అందుక రెండు నడుపేవౌనే నీవు
అందరినీ వారి వీరినడుగవేమో కాని
విందువెట్టినందులోనే వేఁడి చవిగాదా
(॥నవ్వి॥)
మెత్తని పరవశాలు మిక్కిలి గట్టి చన్నుల
నొత్తి కూడిన కూటాల నొద్దికైతివే
యిత్తల శ్రీ వేంకటేశ యిప్పుడెఱిఁగితివేమో
మెత్తనినేలనుండవా మేటియైన కొండలు
(||pallavi||)
navvidine nīmāḍagu nālo nenu
navvulalo nunnadirā nām̐ṭugŏnna valabu
(||navvi||)
kappuramu vaṁṭi māḍa kāramu vaṁṭi sūbulu
sŏppulu rĕṁḍuvaṁkalām̐ jūbevideme
dĕpparabu madamudom̐ dĕlusugovera nīvu
kappurabu viḍĕmulom̐ gārame kādā
(||navvi||)
viṁduvaṁṭi vinayālu vem̐ḍivaṁṭi jaṁkĕnalu
aṁduga rĕṁḍu naḍubevaune nīvu
aṁdarinī vāri vīrinaḍugavemo kāni
viṁduvĕṭṭinaṁdulone vem̐ḍi savigādā
(||navvi||)
mĕttani paravaśhālu mikkili gaṭṭi sannula
nŏtti kūḍina kūḍāla nŏddigaidive
yittala śhrī veṁkaḍeśha yippuḍĕṟim̐gidivemo
mĕttaninelanuṁḍavā meḍiyaina kŏṁḍalu