(॥పల్లవి॥)
నవమూర్తులైనట్టి నరసింహము వీఁడె
నవమైన శ్రీకదిరి నరసింహము
(॥నవ॥)
నగరిలో గద్దెమీఁది నరసింహము వీఁడె
నగుచున్న జ్వాలానరసింహము
నగముపై యోగానందనరసింహము వీఁడె
మిగుల వేదాద్రి లక్ష్మీనారసింహము
(॥నవ॥)
నాఁటుకొన్న భార్గవూటునరసింహము వీఁడె
నాఁటకపు మట్టెమళ్లనరసింహము
నాఁటి యీ కానుగమానినరసింహము వీఁడె
మేఁటి వరాహపు లక్ష్మీనారసింహము
(॥నవ॥)
పొలసి యహోబలాన బొమ్మిరెడ్డిచెర్లలోన
నలిరేఁగిన ప్రహ్లాదనరసింహము
చెలఁగి కదిరిలోన శ్రీవేంకటాద్రిమీఁద
మెలఁగేటి చక్కని లక్ష్మీనారసింహము
(||pallavi||)
navamūrdulainaṭṭi narasiṁhamu vīm̐ḍĕ
navamaina śhrīgadiri narasiṁhamu
(||nava||)
nagarilo gaddĕmīm̐di narasiṁhamu vīm̐ḍĕ
nagusunna jvālānarasiṁhamu
nagamubai yogānaṁdanarasiṁhamu vīm̐ḍĕ
migula vedādri lakṣhmīnārasiṁhamu
(||nava||)
nām̐ṭugŏnna bhārgavūḍunarasiṁhamu vīm̐ḍĕ
nām̐ṭagabu maṭṭĕmaḽlanarasiṁhamu
nām̐ṭi yī kānugamāninarasiṁhamu vīm̐ḍĕ
mem̐ṭi varāhabu lakṣhmīnārasiṁhamu
(||nava||)
pŏlasi yahobalāna bŏmmirĕḍḍisĕrlalona
nalirem̐gina prahlādanarasiṁhamu
sĕlam̐gi kadirilona śhrīveṁkaḍādrimīm̐da
mĕlam̐geḍi sakkani lakṣhmīnārasiṁhamu