నరుఁడా యీతఁడు ఆదినారాయణుఁడు గాక
(॥పల్లవి॥)
నరుఁడా యీతఁడు ఆదినారాయణుఁడు గాక
ధరణిఁ గీరితికెక్కె దశరథసుతుఁడు
(॥నరుఁ॥)
యీతఁడాతాటకిఁ జంపె నీమారీచసుబాహుల-
నీతఁడా మదమణఁచె నిందరుఁ జూడ
యేతులకు హరువిల్లు యీతఁడా విరిచి యట్టె
సీతఁ బెండ్లియాడెను యీచిన్నరాముఁడా
(॥నరుఁ॥)
చుప్పనాతిముక్కు గోసి సోదించి దైత్యులఁ జంపి
అప్పుడిట్టె వాలి నేసినాతఁ డీతఁడా
గుప్పించి కోఁతుల నేలి కొండల జలధి గట్టి
కప్పి లంక సాధించె నీకౌసల్యనందఁనుడా
(॥నరుఁ॥)
రావణాదులనుఁ జంపి రక్షించి విభీషణుని
భావిం చయోధ్య నీతఁడు పట్టమేలెను
శ్రీవేంకటేశుఁ డితఁడే సృష్టి రక్షించె నితఁడే
యీవల మాపాలనున్న యీరామచంద్రుఁడా
(||pallavi||)
narum̐ḍā yīdam̐ḍu ādinārāyaṇum̐ḍu gāga
dharaṇim̐ gīridigĕkkĕ daśharathasudum̐ḍu
(||narum̐||)
yīdam̐ḍādāḍagim̐ jaṁpĕ nīmārīsasubāhula-
nīdam̐ḍā madamaṇam̐sĕ niṁdarum̐ jūḍa
yedulagu haruvillu yīdam̐ḍā virisi yaṭṭĕ
sīdam̐ bĕṁḍliyāḍĕnu yīsinnarāmum̐ḍā
(||narum̐||)
suppanādimukku gosi sodiṁchi daityulam̐ jaṁpi
appuḍiṭṭĕ vāli nesinādam̐ ḍīdam̐ḍā
guppiṁchi kom̐tula neli kŏṁḍala jaladhi gaṭṭi
kappi laṁka sādhiṁchĕ nīgausalyanaṁdam̐nuḍā
(||narum̐||)
rāvaṇādulanum̐ jaṁpi rakṣhiṁchi vibhīṣhaṇuni
bhāviṁ sayodhya nīdam̐ḍu paṭṭamelĕnu
śhrīveṁkaḍeśhum̐ ḍidam̐ḍe sṛṣhṭi rakṣhiṁchĕ nidam̐ḍe
yīvala mābālanunna yīrāmasaṁdrum̐ḍā