(॥పల్లవి॥)
నరులార నేఁడువో నారసింహజయంతి
సురలకు నానందమై శుభములొసఁగెను
(॥నరు॥)
సందించి వైశాఖ శుద్ద చతుర్దశి శనివార -
మందు సంధ్యాకాలమున నౌభళేశుఁడు
పొందుగాఁ గంభములోనఁ బొడమి కడపమీఁద
కందువ గోళ్ళఁ జించెఁ గనక కశిపుని
(॥నరు॥)
నరమృగరూపము నానాహస్తముల
అరిది శంఖచక్రాది ఆయుధాలతో
గరిమఁ బ్రహ్లాదునిఁ గాచిరక్షించి నిలిచె
గురుతర బ్రహ్మాండ గుహలోనను
(॥నరు॥)
కాంచనపు గద్దె మీఁద గక్కనఁ గొలువై యుండి
మించుగ నిందిరఁ దొడమీఁద బెట్టుక
అంచె శ్రీవేంకటగిరి నాదిమపురుషుండై
వంచనసేయక మంచివరాలిచ్చీనదివో
(||pallavi||)
narulāra nem̐ḍuvo nārasiṁhajayaṁti
suralagu nānaṁdamai śhubhamulŏsam̐gĕnu
(||naru||)
saṁdiṁchi vaiśhākha śhudda sadurdaśhi śhanivāra -
maṁdu saṁdhyāgālamuna naubhaḽeśhum̐ḍu
pŏṁdugām̐ gaṁbhamulonam̐ bŏḍami kaḍabamīm̐da
kaṁduva goḽḽam̐ jiṁchĕm̐ ganaga kaśhibuni
(||naru||)
naramṛgarūbamu nānāhastamula
aridi śhaṁkhasakrādi āyudhālado
garimam̐ brahlādunim̐ gāsirakṣhiṁchi nilisĕ
gurudara brahmāṁḍa guhalonanu
(||naru||)
kāṁchanabu gaddĕ mīm̐da gakkanam̐ gŏluvai yuṁḍi
miṁchuga niṁdiram̐ dŏḍamīm̐da bĕṭṭuga
aṁchĕ śhrīveṁkaḍagiri nādimaburuṣhuṁḍai
vaṁchanaseyaga maṁchivarālichchīnadivo