(॥పల్లవి॥)
నర(వ?)రూప ప్రహ్లాదనరసింహా
అవిరళతేజ ప్రహ్లాదనరసింహా
(॥నర॥)
పగరపై కోపము బంటుఁజూచి మరచితి
నగుమొగము ప్రహ్లాదనరసింహా
యెగువ నీకోపమున కితఁడె మాఁటుమందు
అగపడె మాకును ప్రహ్లాదనరసింహా
(॥నర॥)
అంటముట్టరానికోప మంగనఁ జూచిమానితి
నఁటుచెల్లుఁ బ్రహ్లాదనరసింహా
జంట నీ బుద్ది తిప్ప సతియె యంకుశము
అంటు వాయమిఁకను ప్రహ్లాదనరసింహా
(॥నర॥)
ధర మొరవెట్ట దేవతలే మొక్కితే మానితి
గరుడాద్రఁ బ్రహ్లాదనరసింహా
యిరవై శ్రీవేంకటాద్రి నిందు నందు నీదె సుద్ది
అరసితి మిదివో ప్రహ్లాదనరసింహా
(||pallavi||)
nara(va?)rūba prahlādanarasiṁhā
aviraḽadeja prahlādanarasiṁhā
(||nara||)
pagarabai kobamu baṁṭum̐jūsi marasidi
nagumŏgamu prahlādanarasiṁhā
yĕguva nīgobamuna kidam̐ḍĕ mām̐ṭumaṁdu
agabaḍĕ māgunu prahlādanarasiṁhā
(||nara||)
aṁṭamuṭṭarānigoba maṁganam̐ jūsimānidi
nam̐ṭusĕllum̐ brahlādanarasiṁhā
jaṁṭa nī buddi tippa sadiyĕ yaṁkuśhamu
aṁṭu vāyamim̐kanu prahlādanarasiṁhā
(||nara||)
dhara mŏravĕṭṭa devadale mŏkkide mānidi
garuḍādram̐ brahlādanarasiṁhā
yiravai śhrīveṁkaḍādri niṁdu naṁdu nīdĕ suddi
arasidi midivo prahlādanarasiṁhā