నరహరి నీ దయమీఁదట నా చేఁతలు గొన్నా
(॥పల్లవి॥)
నరహరి నీ దయమీఁదట నా చేఁతలు గొన్నా
శరణాగతియును జీవుని స్వతంత్రము రెండా
(॥నర॥)
మొఱయుచు నరకపు వాకిలి మూసిరి హరి నీదాసులు
తెఱచిరి వైకుంఠపురము తెరువుల వాకిళ్ళు
నుఱిపిరి పాపములన్నియు నుగ్గుగ నిటు తూర్పెత్తిరి
వెఱవము వెఱవము కర్మపువిధులిఁక మాకేలా
(॥నర॥)
పాపిరి నా యజ్ఞానము పరమాత్ముఁడ నీదాసులు
చూపిరి నిను నామతిలో సులభముగా నాకు
రేఁపిరి నీపై భక్తిని రేయినిఁ బగలును నాలో
వోపము వోపము తపములు వూరకె ఇఁక నేలా
(॥నర॥)
దిద్దిరి నీ ధర్మమునకు దేవా శ్రీవేంకటేశ్వర
అద్దిరి నీదాసులు నీయానందములోన
ఇద్దరి నీనా పొందులు యేర్పరచిటువలెఁ గూర్చిరి
వొద్దిక నొద్దిక నాకిఁక నుద్యోగములేలా
(||pallavi||)
narahari nī dayamīm̐daḍa nā sem̐talu gŏnnā
śharaṇāgadiyunu jīvuni svadaṁtramu rĕṁḍā
(||nara||)
mŏṟayusu naragabu vāgili mūsiri hari nīdāsulu
tĕṟasiri vaiguṁṭhaburamu tĕruvula vāgiḽḽu
nuṟibiri pābamulanniyu nugguga niḍu tūrbĕttiri
vĕṟavamu vĕṟavamu karmabuvidhulim̐ka māgelā
(||nara||)
pābiri nā yajñānamu paramātmum̐ḍa nīdāsulu
sūbiri ninu nāmadilo sulabhamugā nāgu
rem̐piri nībai bhaktini reyinim̐ bagalunu nālo
vobamu vobamu tabamulu vūragĕ im̐ka nelā
(||nara||)
diddiri nī dharmamunagu devā śhrīveṁkaḍeśhvara
addiri nīdāsulu nīyānaṁdamulona
iddari nīnā pŏṁdulu yerbarasiḍuvalĕm̐ gūrsiri
vŏddiga nŏddiga nāgim̐ka nudyogamulelā