(॥పల్లవి॥)
నన్నుఁ జూచి నీవేల నవ్వే విఁక
యిన్ని సుద్దులకు నెల్లా యియ్యకొందువు గాక
(॥నన్ను॥)
కన్నుల మొక్కినది కందువ చూపినది
యెన్నేసి చేఁతలు చేసీ నీపిన్నది
సన్నలు చేసినది చనవు మెరసినది
పన్నుగడలాఁ దొల్లె పనిగొందువు గాకా
(॥నన్ను॥)
ఆయాలు మోపినది ఆసలు రేఁచినది
యేయెడఁ జూచిన నీతో నీపిన్నది
చాయకుఁ దెచ్చినది సరస మాడినది
కాయముల కళలెక్కఁ గైకొందువు గాకా
(॥నన్ను॥)
చేతులు చాఁచినది సేసలు వెట్టినది
యేతుల శ్రీవెంకటేశ యీ పిన్నది
నాతోఁ గూడించినది నలి నిన్నుఁ గడపలో
రాతిరిఁ బగలు నిట్టె రమింతువు గాకా
(||pallavi||)
nannum̐ jūsi nīvela navve vim̐ka
yinni suddulagu nĕllā yiyyagŏṁduvu gāga
(||nannu||)
kannula mŏkkinadi kaṁduva sūbinadi
yĕnnesi sem̐talu sesī nībinnadi
sannalu sesinadi sanavu mĕrasinadi
pannugaḍalām̐ dŏllĕ panigŏṁduvu gāgā
(||nannu||)
āyālu mobinadi āsalu rem̐sinadi
yeyĕḍam̐ jūsina nīdo nībinnadi
sāyagum̐ dĕchchinadi sarasa māḍinadi
kāyamula kaḽalĕkkam̐ gaigŏṁduvu gāgā
(||nannu||)
sedulu sām̐sinadi sesalu vĕṭṭinadi
yedula śhrīvĕṁkaḍeśha yī pinnadi
nādom̐ gūḍiṁchinadi nali ninnum̐ gaḍabalo
rādirim̐ bagalu niṭṭĕ ramiṁtuvu gāgā