నన్ను నింత సేయుకంటె నవ్వులున్నవా పంట
(॥పల్లవి॥)
నన్ను నింత సేయుకంటె నవ్వులున్నవా పంట
మన్ను పైఁడిముద్ద గాఁగ మన్నుపూసె (?) నితఁడు
(॥నన్ను॥)
పంచమహాపాతకులఁ బరమపావనులఁగా
వించఁ బూనె నిందుకంటె విద్యలున్నవా
ఇంచుకంత హరినామమింతలోననె ముట్టు
పెంచు దెచ్చి మాణికపుబిల్ల సేసె నితఁడు
(॥నన్ను॥)
మాలవాని కష్టవిద్య మందవెట్టి బ్రహ్మవిద్య
పాలుసేసె నిందుకంటె బ్రతుకున్నదా
నాలుకందునున్న విష్ణునామమంత్రము చెప్పు
తోలుబిల్ల మాడకంటె దొడ్డసేసె నన్నును
(॥నన్ను॥)
కుక్క దెచ్చి గంగిగోవు కొదమగాఁగ భూమిలోన
ఒక్కమాట యింతసేయ నోపవచ్చునా
దిక్కులందు వేంకటేశు దివ్యనామము రోఁత
కక్కుఁగూటి నమృతజలధిఁ గావించె నన్నును
(||pallavi||)
nannu niṁta seyugaṁṭĕ navvulunnavā paṁṭa
mannu paim̐ḍimudda gām̐ga mannubūsĕ (?) nidam̐ḍu
(||nannu||)
paṁchamahābādagulam̐ baramabāvanulam̐gā
viṁcham̐ būnĕ niṁdugaṁṭĕ vidyalunnavā
iṁchugaṁta harināmamiṁtalonanĕ muṭṭu
pĕṁchu dĕchchi māṇigabubilla sesĕ nidam̐ḍu
(||nannu||)
mālavāni kaṣhṭavidya maṁdavĕṭṭi brahmavidya
pālusesĕ niṁdugaṁṭĕ bradugunnadā
nālugaṁdununna viṣhṇunāmamaṁtramu sĕppu
tolubilla māḍagaṁṭĕ dŏḍḍasesĕ nannunu
(||nannu||)
kukka dĕchchi gaṁgigovu kŏdamagām̐ga bhūmilona
ŏkkamāḍa yiṁtaseya nobavachchunā
dikkulaṁdu veṁkaḍeśhu divyanāmamu rom̐ta
kakkum̐gūḍi namṛtajaladhim̐ gāviṁchĕ nannunu