నన్ను నెవ్వరు గాచేరు నాఁటి పగెంతురుఁ గాక
(॥పల్లవి॥)
నన్ను నెవ్వరు గాచేరు నాఁటి పగెంతురుఁ గాక
నిన్న నేఁడీ రోఁతలై తే నీతి యౌనా నాకును
(॥నన్ను॥)
దేవుఁడ నేనే యంటా తిరిగే నాస్తికుఁడనా
దేవతలకు మొక్కఁబోతే నిఁక నగరా
కావించి యింద్రియములే గతెని యిన్నాళ్లు నుండి
ఆవల జితేంద్రియుఁడనంటే నవి నగవా
(॥నన్ను॥)
కర్మము దొల్లి సేయక కడుదూరమై ఇఁక నా-
కర్మము సేయఁగఁబోతే కర్మమే నగదా
దుర్మతి సంపారినై(???) తొయ్యలులకు మోహించి
అర్మిలి దూషించితేను అట్టె వారు నగరా
(॥నన్ను॥)
నేనే స్వతంత్రుఁడనంటా నిండుదానాలెల్ల మాని
పూని యిఁకఁ జేయఁబోతే పొంచి యవి నగవా
నేనిన్నిటా సిగ్గుపడి నీ మరఁగు చొచ్చితిని
ఆనుకొని శ్రీవేంకటాధిపుఁడ కావవే
(||pallavi||)
nannu nĕvvaru gāseru nām̐ṭi pagĕṁturum̐ gāga
ninna nem̐ḍī rom̐talai te nīdi yaunā nāgunu
(||nannu||)
devum̐ḍa nene yaṁṭā tirige nāstigum̐ḍanā
devadalagu mŏkkam̐bode nim̐ka nagarā
kāviṁchi yiṁdriyamule gadĕni yinnāḽlu nuṁḍi
āvala jideṁdriyum̐ḍanaṁṭe navi nagavā
(||nannu||)
karmamu dŏlli seyaga kaḍudūramai im̐ka nā-
karmamu seyam̐gam̐bode karmame nagadā
durmadi saṁpārinai(???) tŏyyalulagu mohiṁchi
armili dūṣhiṁchidenu aṭṭĕ vāru nagarā
(||nannu||)
nene svadaṁtrum̐ḍanaṁṭā niṁḍudānālĕlla māni
pūni yim̐kam̐ jeyam̐bode pŏṁchi yavi nagavā
neninniḍā siggubaḍi nī maram̐gu sŏchchidini
ānugŏni śhrīveṁkaḍādhibum̐ḍa kāvave