నన్నెంచఁ బనిలేదు నిన్నెంచుటే కాని
(॥పల్లవి॥)
నన్నెంచఁ బనిలేదు నిన్నెంచుటే కాని
మన్నించు హరి నీ మఱఁగు చొచ్చితిని
(॥నన్నెం॥)
రాజుఁ బెండ్లాడిన యట్టి రమణి యేజాతైనా
పూజితమై యిన్నిటాను భోగించినట్టు
సాజాన నే నెంత సకలహీనుఁడనైనా
వోజతో నిన్నుఁ గొలిచి వున్నతుఁడనైతిని
(॥నన్నెం॥)
వేల ముద్దుటంగరము వేడుకనిడి ప్రధాని
కేలెత్తి యిందరిచే మొక్కించుకొన్నట్టు
నేలనే నీ ముద్ర మోచి నే నేఁటివాఁడనైనా
పేలరి జగములోనఁ బెద్దనైతి నిదివో
(॥నన్నెం॥)
తల్లిదండ్రి గలవాఁడు తప్పులేమైనాఁ జేసి
తల్లితో ముద్దుగునిసి తప్పించినట్టు
చల్లని శ్రీవేంకటేశ సరవి నీ కృపవల్ల
కెల్లున నిన్ను నుతించి గెలిచితి నిదివో
(||pallavi||)
nannĕṁcham̐ baniledu ninnĕṁchuḍe kāni
manniṁchu hari nī maṟam̐gu sŏchchidini
(||nannĕṁ||)
rājum̐ bĕṁḍlāḍina yaṭṭi ramaṇi yejādainā
pūjidamai yinniḍānu bhogiṁchinaṭṭu
sājāna ne nĕṁta sagalahīnum̐ḍanainā
vojado ninnum̐ gŏlisi vunnadum̐ḍanaidini
(||nannĕṁ||)
vela mudduḍaṁgaramu veḍuganiḍi pradhāni
kelĕtti yiṁdarise mŏkkiṁchugŏnnaṭṭu
nelane nī mudra mosi ne nem̐ṭivām̐ḍanainā
pelari jagamulonam̐ bĕddanaidi nidivo
(||nannĕṁ||)
tallidaṁḍri galavām̐ḍu tappulemainām̐ jesi
tallido muddugunisi tappiṁchinaṭṭu
sallani śhrīveṁkaḍeśha saravi nī kṛpavalla
kĕlluna ninnu nudiṁchi gĕlisidi nidivo