(॥పల్లవి॥)
నన్నేల యేఁచేరే నగుబాట్లు
అన్నింటా నాకె ఘనమై యుండుఁగాక
(॥నన్నే॥)
నాకేలె యీసింగారాలు నాకేలె యీనటనలు
ఆకడ నాతఁడు సుఖ మందఁగాను
కైకొనె నాతని చెంతఁ గల దెల్ల నా మనసు
ఆకె పట్టపు దేవు లై యుండుఁగాఁక
(॥నన్నే॥)
నేనేలె యాతనికి నేనేలె బాలకిని
ఊనిన సుఖమునందా నుండఁగాను
కానిక లాకె నవ్వులు కన్నులఁ బట్టఁగను
ఆనేరుపులే చవులై యుండుఁగాక
(॥నన్నే॥)
వద్దేలే నాతోడి పొందువద్దేలే తనకు
ఒద్దిక లక్కడం గలి గుండంగాను
గద్దిరియై కలసి వేంకట విభుండు
అద్దొ యింకా నన్ను నణకించుంగాక
(||pallavi||)
nannela yem̐sere nagubāṭlu
anniṁṭā nāgĕ ghanamai yuṁḍum̐gāga
(||nanne||)
nāgelĕ yīsiṁgārālu nāgelĕ yīnaḍanalu
āgaḍa nādam̐ḍu sukha maṁdam̐gānu
kaigŏnĕ nādani sĕṁtam̐ gala dĕlla nā manasu
āgĕ paṭṭabu devu lai yuṁḍum̐gām̐ka
(||nanne||)
nenelĕ yādanigi nenelĕ bālagini
ūnina sukhamunaṁdā nuṁḍam̐gānu
kāniga lāgĕ navvulu kannulam̐ baṭṭam̐ganu
ānerubule savulai yuṁḍum̐gāga
(||nanne||)
vaddele nādoḍi pŏṁduvaddele tanagu
ŏddiga lakkaḍaṁ gali guṁḍaṁgānu
gaddiriyai kalasi veṁkaḍa vibhuṁḍu
addŏ yiṁkā nannu naṇagiṁchuṁgāga