(॥పల్లవి॥)
నంటున నిన్ను మరిగె నా మనసు
జంటలాయ నిద్దరికి సరియాయ మనసు
(॥నంటు॥)
చిగిరింపుఁ గోరికల చిమ్మిరేఁగె వలపు
మొగము చూపులవల్ల మోసులెతై మనసు
తగులువిరిమాఁటలఁ దగులాయ మనసు
నగవుల సరసాల ననుపాయ మనసు
(॥నంటు॥)
కొనగోరి చెనకుల గుదిగొనె మనసు
వినయపు చేఁతలనే వియ్యమందె మనసు
పెనగొన్న యాసలనె పిక్కటిల్లె మనసు
యెనసే తమకమున యేపురేఁగె మనసు
(॥నంటు॥)
పల్లదపుమనమున పచ్చిదేరె మనసు
వెల్లవిరి సన్నలనె వెలసెను మనసు
యెల్లగా శ్రీవేంకటేశ యేలితివి నన్ను నేఁడు
వుల్లపు సంతోసాన వుప్పతిల్లె మనసు
(||pallavi||)
naṁṭuna ninnu marigĕ nā manasu
jaṁṭalāya niddarigi sariyāya manasu
(||naṁṭu||)
sigiriṁpum̐ gorigala simmirem̐gĕ valabu
mŏgamu sūbulavalla mosulĕdai manasu
taguluvirimām̐ṭalam̐ dagulāya manasu
nagavula sarasāla nanubāya manasu
(||naṁṭu||)
kŏnagori sĕnagula gudigŏnĕ manasu
vinayabu sem̐talane viyyamaṁdĕ manasu
pĕnagŏnna yāsalanĕ pikkaḍillĕ manasu
yĕnase tamagamuna yeburem̐gĕ manasu
(||naṁṭu||)
palladabumanamuna pachchiderĕ manasu
vĕllaviri sannalanĕ vĕlasĕnu manasu
yĕllagā śhrīveṁkaḍeśha yelidivi nannu nem̐ḍu
vullabu saṁtosāna vuppadillĕ manasu