నమో నారాయణ నా విన్నప మిదివో
(॥పల్లవి॥)
నమో నారాయణ నా విన్నప మిదివో
సమానుఁడఁ గాను నీకు సర్వేశ రక్షించవే
(॥నమో॥)
మనసు నీ యాధీనము మాటలు నీ వాడేటివే
తనువు నీపుట్టించిన ధన మిది
మును నీపంపున నిన్ని మోచుకున్నవాఁడ నింతే
వెనక నన్ను నేరాలు వేయక రక్షించవే
(॥నమో॥)
భోగములెల్లా నీవి బుద్ధులు నీవిచ్చినవి
యీగతి నాబతుకు నీ విరవైనది
చేగదేర నీవు నన్నుఁ జేసిన మానిసి నింతే
సోగల నాయజ్ఞానము చూడక రక్షించవే
(॥నమో॥)
వెలి నీవే లో నీవే వేడుక లెల్లా నీవే
కలకాలమును నీకరుణే నాకు
యిల శ్రీవేంకటేశ నీవేలుకొన్నబంట నింతే
నెలవు దప్పించక నీవే రక్షించవే
(||pallavi||)
namo nārāyaṇa nā vinnaba midivo
samānum̐ḍam̐ gānu nīgu sarveśha rakṣhiṁchave
(||namo||)
manasu nī yādhīnamu māḍalu nī vāḍeḍive
tanuvu nībuṭṭiṁchina dhana midi
munu nībaṁpuna ninni mosugunnavām̐ḍa niṁte
vĕnaga nannu nerālu veyaga rakṣhiṁchave
(||namo||)
bhogamulĕllā nīvi buddhulu nīvichchinavi
yīgadi nābadugu nī viravainadi
segadera nīvu nannum̐ jesina mānisi niṁte
sogala nāyajñānamu sūḍaga rakṣhiṁchave
(||namo||)
vĕli nīve lo nīve veḍuga lĕllā nīve
kalagālamunu nīgaruṇe nāgu
yila śhrīveṁkaḍeśha nīvelugŏnnabaṁṭa niṁte
nĕlavu dappiṁchaga nīve rakṣhiṁchave