(॥పల్లవి॥)
నమ్మిన దొకటే నాకు నీశరణము
యెమ్మెల సంసార మింతే యిందేమిగలదు
(॥నమ్మి॥)
యేఁటికర్మము నా కేఁటిధర్మము
యేఁటిదో నేఁ జేయఁగా నీ కేమి గూడెను
నాఁటకపు తొంటివారు నడిచిన మార్గమని
యీఁటుకుఁ జేఁసేఁగాక యిందేమి గలదు
(॥నమ్మి॥)
యేడతపము నా కేడజపము నే
వాడికఁ జేయఁగ నీకు వచ్చినదేమి
బెడిదపుఁ బెద్దలెల్లాఁ బెట్టిన తిట్టములంటా
యీడుకుఁ జేసెఁగాక యిందేమి గలదు
(॥నమ్మి॥)
యెక్కడిపుణ్యము నా కెక్కడిభోగములు
యిక్కువ నన్నిట్లఁ జేసి యేమిగంటివి
నిక్కెపు శ్రీవేంకటేశ నిన్నుఁ గనుటగాక
యెక్కడి కెక్కడిమాయ లిందేమి గలదు
(||pallavi||)
nammina dŏgaḍe nāgu nīśharaṇamu
yĕmmĕla saṁsāra miṁte yiṁdemigaladu
(||nammi||)
yem̐ṭigarmamu nā kem̐ṭidharmamu
yem̐ṭido nem̐ jeyam̐gā nī kemi gūḍĕnu
nām̐ṭagabu tŏṁṭivāru naḍisina mārgamani
yīm̐ṭugum̐ jem̐sem̐gāga yiṁdemi galadu
(||nammi||)
yeḍadabamu nā keḍajabamu ne
vāḍigam̐ jeyam̐ga nīgu vachchinademi
bĕḍidabum̐ bĕddalĕllām̐ bĕṭṭina tiṭṭamulaṁṭā
yīḍugum̐ jesĕm̐gāga yiṁdemi galadu
(||nammi||)
yĕkkaḍibuṇyamu nā kĕkkaḍibhogamulu
yikkuva nanniṭlam̐ jesi yemigaṁṭivi
nikkĕbu śhrīveṁkaḍeśha ninnum̐ ganuḍagāga
yĕkkaḍi kĕkkaḍimāya liṁdemi galadu