(॥పల్లవి॥)
నమ్మిన దిదివో నా పితురార్జిత
మిమ్మహిఁ జూడరో యిది మీది గాదు
(॥నమ్మి॥)
నలినదళాక్షుని నామాంకితమే
నిలువున బాఁతిన నిధానము
కలకాలమిదే గాదెల కొలుచులు
నలుగడ నివియే నాలుక రుచులు
(॥నమ్మి॥)
శ్రీ పతి రూపమే చింతించు తలఁపే
పై పై మాయింటి భాగ్యములు
పూఁపలమిత్రులుఁబుత్రాదు లిది
వైపగు మాకిదె వ్యవసాయములు
(॥నమ్మి॥)
శ్రీ వేంకటపతి సేవిది యొకటే
భావించు నాయుష్యభౌష్యములు
కైవల్యపద మిదె కాయజసుఖమిదె
సావధానముల సంసార మిది
(||pallavi||)
nammina didivo nā pidurārjida
mimmahim̐ jūḍaro yidi mīdi gādu
(||nammi||)
nalinadaḽākṣhuni nāmāṁkidame
niluvuna bām̐tina nidhānamu
kalagālamide gādĕla kŏlusulu
nalugaḍa niviye nāluga rusulu
(||nammi||)
śhrī padi rūbame siṁtiṁchu talam̐pe
pai pai māyiṁṭi bhāgyamulu
pūm̐palamitrulum̐butrādu lidi
vaibagu māgidĕ vyavasāyamulu
(||nammi||)
śhrī veṁkaḍabadi sevidi yŏgaḍe
bhāviṁchu nāyuṣhyabhauṣhyamulu
kaivalyabada midĕ kāyajasukhamidĕ
sāvadhānamula saṁsāra midi