(॥పల్లవి॥)
నమ్మితే నితఁడే మన్ననఁ గాచు
యిమ్ముల ధ్రువునిఁ బట్టమేలించినట్లు
(॥నమ్మి॥)
తీరని కర్మములైన దీరుఁబో శ్రీహరిపాద -
మేరీతిఁ గొలిచినా నెవ్వరికిని
చేరరాని యడవిలో శిలలై పడియున్న
భారపుటహల్యశాపము దేరినట్లు
(॥నమ్మి॥)
కలుగనిసిరులెల్లఁ గలుగుఁబో శ్రీహరి
గొలిచినవారికిఁ గోరినట్లే
అలనాఁడు దరిద్రుఁడైన కుచేలుని
బలుసంపదలఁ దెచ్చి బతికించినట్లు
(॥నమ్మి॥)
చూడఁగా మూఢులకైన సులభుఁడై నిలుచుఁబో
వేడుకతోఁ బాడితే శ్రీవేంకటేశుఁడు
యాగనే మాబోంట్లకు నిరవై కోనేటిదండ
మేడెపువరములెల్ల మెచ్చి యిచ్చినట్లు
(||pallavi||)
nammide nidam̐ḍe mannanam̐ gāsu
yimmula dhruvunim̐ baṭṭameliṁchinaṭlu
(||nammi||)
tīrani karmamulaina dīrum̐bo śhrīharibāda -
merīdim̐ gŏlisinā nĕvvarigini
serarāni yaḍavilo śhilalai paḍiyunna
bhārabuḍahalyaśhābamu derinaṭlu
(||nammi||)
kaluganisirulĕllam̐ galugum̐bo śhrīhari
gŏlisinavārigim̐ gorinaṭle
alanām̐ḍu daridrum̐ḍaina kuseluni
balusaṁpadalam̐ dĕchchi badigiṁchinaṭlu
(||nammi||)
sūḍam̐gā mūḍhulagaina sulabhum̐ḍai nilusum̐bo
veḍugadom̐ bāḍide śhrīveṁkaḍeśhum̐ḍu
yāgane māboṁṭlagu niravai koneḍidaṁḍa
meḍĕbuvaramulĕlla mĕchchi yichchinaṭlu