నమ్మవా యింకా నీవు నా మనసు
(॥పల్లవి॥)
నమ్మవా యింకా నీవు నా మనసు
చిమ్ముఁ బలుకుఁదేనెల సేదదేర్తుఁ గాక
(॥నమ్మ॥)
ఇయ్యకొన్నదాన నీకు నెదురాడేనా నేను
నెయ్యపుటిచ్చకములే నెరుపేఁ గాక
పయ్యెదకొంగు వట్టేవు బలిమికత్తెనా యింత
వొయ్యన నీప్రియములకొడిగట్టేఁ గాక
(॥నమ్మ॥)
వలచినదాన నీకు వసము గాకుండేనా
పలుమారు నీచిత్తము పట్టదుఁ గాక
తలఁపు నాతోఁ జెప్పేవు తగిలి వింతదాననా
కలిసినట్టే కలసి కైకొనేఁ గాక
(॥నమ్మ॥)
నీవే నేనైనదాన నెరుసులు వెదకేనా
చేవమీరి నీరతులఁ జెలఁగేఁ గాక
శ్రీవేంకటేశ నన్నుఁ జిత్తగించి కూడితివి
పూవులు వాసన వలెఁ బొంది వుందుఁ గాక
(||pallavi||)
nammavā yiṁkā nīvu nā manasu
simmum̐ balugum̐denĕla sedaderdum̐ gāga
(||namma||)
iyyagŏnnadāna nīgu nĕdurāḍenā nenu
nĕyyabuḍichchagamule nĕrubem̐ gāga
payyĕdagŏṁgu vaṭṭevu balimigattĕnā yiṁta
vŏyyana nīpriyamulagŏḍigaṭṭem̐ gāga
(||namma||)
valasinadāna nīgu vasamu gāguṁḍenā
palumāru nīsittamu paṭṭadum̐ gāga
talam̐pu nādom̐ jĕppevu tagili viṁtadānanā
kalisinaṭṭe kalasi kaigŏnem̐ gāga
(||namma||)
nīve nenainadāna nĕrusulu vĕdagenā
sevamīri nīradulam̐ jĕlam̐gem̐ gāga
śhrīveṁkaḍeśha nannum̐ jittagiṁchi kūḍidivi
pūvulu vāsana valĕm̐ bŏṁdi vuṁdum̐ gāga