నందగోపనందనుడే నాఁటి బాలుడు
(॥పల్లవి॥)
నందగోపనందనుడే నాఁటి బాలుడు
ఇందు నేఁడే రేపల్లె నేచి పెరిగెను
(॥నంద॥)
పువ్వువంటి మఱ్ఱియాకుపొత్తిఁ బవళించనేర్చె
యెవ్వఁడోకాని తొల్లె యీబాలుఁడు
మువ్వంకవేదములను ముద్దుమాఁట లాడనేర్చె
యెవ్వరూఁ గొంత నేర్పనేఁటికే వీనికి
(॥నంద॥)
తప్పుటడుగు లిడఁగనేర్చె ధరణియందు నాకసమున-
నెప్పుగా రసాతలమున నొంటి తొల్లియే
రెప్పలెత్తి చూడనేర్చె రేసీఁ జెంద్రునందు పగలు
గొప్పసూర్యునందు నింకఁ గొత్త నేర్పనేఁటికే
(॥నంద॥)
మంచివెన్నబువ్వ లిపుడు మలసి యారగించనేర్చె-
నంచితముగ శ్రీవేంకటాద్రిమీఁదను
యెంచి యప్పలప్పలనుచు యెనసి కాఁగిలించనేర్చె
దించరాని వురముమీఁద దివ్యకాంతను
(||pallavi||)
naṁdagobanaṁdanuḍe nām̐ṭi bāluḍu
iṁdu nem̐ḍe reballĕ nesi pĕrigĕnu
(||naṁda||)
puvvuvaṁṭi maṭriyāgubŏttim̐ bavaḽiṁchanersĕ
yĕvvam̐ḍogāni tŏllĕ yībālum̐ḍu
muvvaṁkavedamulanu muddumām̐ṭa lāḍanersĕ
yĕvvarūm̐ gŏṁta nerbanem̐ṭige vīnigi
(||naṁda||)
tappuḍaḍugu liḍam̐ganersĕ dharaṇiyaṁdu nāgasamuna-
nĕppugā rasādalamuna nŏṁṭi tŏlliye
rĕppalĕtti sūḍanersĕ resīm̐ jĕṁdrunaṁdu pagalu
gŏppasūryunaṁdu niṁkam̐ gŏtta nerbanem̐ṭige
(||naṁda||)
maṁchivĕnnabuvva libuḍu malasi yāragiṁchanersĕ-
naṁchidamuga śhrīveṁkaḍādrimīm̐danu
yĕṁchi yappalappalanusu yĕnasi kām̐giliṁchanersĕ
diṁcharāni vuramumīm̐da divyagāṁtanu