నల్లఁబల్లి చెన్నుఁడు నాపాలిటి వెన్నుఁడు
(॥పల్లవి॥)
నల్లఁబల్లి చెన్నుఁడు నాపాలిటి వెన్నుఁడు
యెల్ల జీవులకు మరి యిన్నిటాఁ బ్రసన్నుఁడు
(॥నల్ల॥)
కమలావరుడు శ్రీకర మదనగురుఁడు
సమర దానవకుల సంహారుఁడు
విమల గుణాకరుఁడు విజయచక్రధరుఁడు
కమనియ్య భక్తజన కరుణాకరుఁడు
(॥నల్ల॥)
వేదాంతవేద్యుఁడు విశ్వహితాపాద్యుఁడు
ఆదియునంత్యములేని యనవద్యుఁడు
సాదితయోగిహృద్యుఁడు శమితోగ్రచైద్యుఁడు
సోదించి చూచితేను సురలకు నాద్యుఁడు
(॥నల్ల॥)
కామితఫల శక్తుఁడు ఘనమహిమ యుక్తుఁడు
ఆముకొన్న లోకరక్షణ సక్తుఁడు
నేమాన శ్రీవేంకటాద్రి నిలిచి మమ్మేలినాఁడు
కోమలుఁడు వీఁడిగో గోపకాస రక్తుఁడు
(||pallavi||)
nallam̐balli sĕnnum̐ḍu nābāliḍi vĕnnum̐ḍu
yĕlla jīvulagu mari yinniḍām̐ brasannum̐ḍu
(||nalla||)
kamalāvaruḍu śhrīgara madanagurum̐ḍu
samara dānavagula saṁhārum̐ḍu
vimala guṇāgarum̐ḍu vijayasakradharum̐ḍu
kamaniyya bhaktajana karuṇāgarum̐ḍu
(||nalla||)
vedāṁtavedyum̐ḍu viśhvahidābādyum̐ḍu
ādiyunaṁtyamuleni yanavadyum̐ḍu
sādidayogihṛdyum̐ḍu śhamidograsaidyum̐ḍu
sodiṁchi sūsidenu suralagu nādyum̐ḍu
(||nalla||)
kāmidaphala śhaktum̐ḍu ghanamahima yuktum̐ḍu
āmugŏnna logarakṣhaṇa saktum̐ḍu
nemāna śhrīveṁkaḍādri nilisi mammelinām̐ḍu
komalum̐ḍu vīm̐ḍigo gobagāsa raktum̐ḍu