(॥పల్లవి॥)
నగుఁబాట్లఁ బడే నా జిహ్వ
పగటున నిదివో పావనమాయ
(॥నగు॥)
ఇల నిందరి నుతియించి పెంచువలె
నలినలియైనది నా జిహ్వ
నలినోదరుశ్రీనామము దలఁచిన-
ఫలమున కిదివో పావనమాయ
(॥నగు॥)
భ్రమఁబడి మాయపుపడఁతులతమ్మలు
నమలి చవులుగొనె నాజిహ్వ
అమరవంద్యుఁడగుహరి నుతియించఁగ
ప్రమదము చవిగొని పావనమాయ
(॥నగ॥)
నెలఁతలపలు యోనిద్రవనదులను
నలుగడ నీఁదెను నాజిహ్వ
అలసి వేంకటనగాధిపయనుచును
పలికినయంతనె పావనమాయ
(||pallavi||)
nagum̐bāṭlam̐ baḍe nā jihva
pagaḍuna nidivo pāvanamāya
(||nagu||)
ila niṁdari nudiyiṁchi pĕṁchuvalĕ
nalinaliyainadi nā jihva
nalinodaruśhrīnāmamu dalam̐sina-
phalamuna kidivo pāvanamāya
(||nagu||)
bhramam̐baḍi māyabubaḍam̐tuladammalu
namali savulugŏnĕ nājihva
amaravaṁdyum̐ḍaguhari nudiyiṁcham̐ga
pramadamu savigŏni pāvanamāya
(||naga||)
nĕlam̐talabalu yonidravanadulanu
nalugaḍa nīm̐dĕnu nājihva
alasi veṁkaḍanagādhibayanusunu
paliginayaṁtanĕ pāvanamāya