(॥పల్లవి॥)
నడుమ రెంటికిని నా మేను
వడఁబడె యెందలివాఁడనొ నేను
(॥నడు॥)
కంటిమి జగమిది కన్నుల యెదుటను
అంటి యిదియు నిజమనరాదు
వింటిమి స్వర్గము వేరే కలదని
కంటగించి అది గాదనరాదు
(॥నడు॥)
కట్టుకొంటి మిదె ఘనసంసారము
గట్టిగ నిఁకఁ దొలఁగఁగరాదు
పట్టుకొంటి మిదె పాపపుణ్యములు
తెట్టదెరువుననె దించాలేము
(॥నడు॥)
నగితి నొకసెలవి నానాఁటి బదుకు
మొగి నొకచే నిను మొక్కితిని
అగపడె శ్రీవేంకటాధిప నీకృప
నిగుడి గురుచే నినుఁ గనఁగలిగె
(||pallavi||)
naḍuma rĕṁṭigini nā menu
vaḍam̐baḍĕ yĕṁdalivām̐ḍanŏ nenu
(||naḍu||)
kaṁṭimi jagamidi kannula yĕduḍanu
aṁṭi yidiyu nijamanarādu
viṁṭimi svargamu vere kaladani
kaṁṭagiṁchi adi gādanarādu
(||naḍu||)
kaṭṭugŏṁṭi midĕ ghanasaṁsāramu
gaṭṭiga nim̐kam̐ dŏlam̐gam̐garādu
paṭṭugŏṁṭi midĕ pābabuṇyamulu
tĕṭṭadĕruvunanĕ diṁchālemu
(||naḍu||)
nagidi nŏgasĕlavi nānām̐ṭi badugu
mŏgi nŏgase ninu mŏkkidini
agabaḍĕ śhrīveṁkaḍādhiba nīkṛpa
niguḍi guruse ninum̐ ganam̐galigĕ