Panyajaarakkunnine

പഞ്ചാരക്കുന്നിനെ പാവാട ചാര്‍ത്തുന്ന
പഞ്ചമിപ്പാലൊളിപ്പൂനിലാവേ (പഞ്ചാരക്കുന്നിനെ)
കൂട്ടിലുറങ്ങുമെന്‍ കുഞ്ഞാറ്റക്കിളിക്കൊരു
കുറിമാനം കൊണ്ടെക്കൊടുത്തുവായോ (പഞ്ചാരക്കുന്നിനെ)

കലഹിച്ചു കൂട്ടിലിരിക്കും കിളിയോടീയനുരാഗ-
കലഹിച്ചു കൂട്ടിലിരിക്കും കിളിയോടീയനുരാഗ -
കഥ ചെന്നു പറഞ്ഞു വായോ
ജാലകനിരനീട്ടി മറ്റാരും കാണാതെന്‍
താമരമാല കൊടുത്തുവായോ (പഞ്ചാരക്കുന്നിനെ)

വാസന്തവെണ്ണിലാവേ നീയൊന്നുമറിയില്ലല്ലോ
വാടുമെന്‍ മനസ്സിന്‍ ശോകം
നനയുന്ന കണ്ണോടെ നീ കണ്ടിട്ടില്ലല്ലോ
പ്രണയാര്‍ദ്ര ഹൃദയത്തിന്‍ സ്വപ്നം
(പഞ്ചാരക്കുന്നിനെ)