నారాయణుఁడ నీ నామము మంత్రించి వేసి
(॥పల్లవి॥)
నారాయణుఁడ నీ నామము మంత్రించి వేసి
పారేటి యీ జంతువుల భ్రమ విడిపించవే
(॥నారా॥)
మదనభూతము సోఁకి మగువలుఁ బురుషులు
అదన విరిదలలై యంగమొలలై
పెదవి నెత్తురు వీర్చి పెనుగోళ్ళఁ జించుకొంటా
కొదలు కుత్తికలనుఁ గూసేరు జీవులు
(॥నారా॥)
పంచభూతములు సోఁకి భ్రమసి యజ్ఞానులై
పొంచి హేయములు మన్నుఁ బూసుకొంటాను
అంచెల వీడెపురస మందునిందు గురియుచు
యెంచి ధనముపిశాచాలిట్లైరి జీవులు
(॥నారా॥)
తమితోడ మాయాభూతము సోఁకి బహుజాతి-
యెముకలుఁ దోలు నరా లిరవుచేసి
నెమకి శ్రీవేంకటేశ నిన్నుఁ జేర కెక్కడైన
తముఁ దా మెరఁగరింతటాఁ జూడు జీవులు
(||pallavi||)
nārāyaṇum̐ḍa nī nāmamu maṁtriṁchi vesi
pāreḍi yī jaṁtuvula bhrama viḍibiṁchave
(||nārā||)
madanabhūdamu som̐ki maguvalum̐ buruṣhulu
adana viridalalai yaṁgamŏlalai
pĕdavi nĕtturu vīrsi pĕnugoḽḽam̐ jiṁchugŏṁṭā
kŏdalu kuttigalanum̐ gūseru jīvulu
(||nārā||)
paṁchabhūdamulu som̐ki bhramasi yajñānulai
pŏṁchi heyamulu mannum̐ būsugŏṁṭānu
aṁchĕla vīḍĕburasa maṁduniṁdu guriyusu
yĕṁchi dhanamubiśhāsāliṭlairi jīvulu
(||nārā||)
tamidoḍa māyābhūdamu som̐ki bahujādi-
yĕmugalum̐ dolu narā liravusesi
nĕmagi śhrīveṁkaḍeśha ninnum̐ jera kĕkkaḍaina
tamum̐ dā mĕram̐gariṁtaḍām̐ jūḍu jīvulu