(॥పల్లవి॥)
నారాయణ నీ నామమహిమలకు
గోరఁ బోవుటకు గొడ్డలి దగునా
(॥నారా॥)
హరియని నొడిగిన నణఁగేటి పాపము
సిరుల నేను నుతిసేయఁగఁగలనా
పరగిన పిచ్చుకపై బ్రహ్మాస్త్రము
దొరకొని వూరకె తొడిగినయట్లు
(॥నారా॥)
అచ్చుత యనఁగా నందెటి సంపద
యిచ్చల నెంచిన నిలఁగలవా
కొచ్చికొచ్చి యొక కొండంత కనకము
వెచ్చపుఁ బోఁకకు వెల యిడినట్లు
(॥నారా॥)
యెదుటనే శ్రీవేంకటేశ్వర యనఁగాఁ
బొదిగెటి తపముల పుణ్యము గలదా
కదిసి సముద్రము గడచి వోడలోఁ
జిదిసి యినుము దెచ్చినయట్లు
(||pallavi||)
nārāyaṇa nī nāmamahimalagu
goram̐ bovuḍagu gŏḍḍali dagunā
(||nārā||)
hariyani nŏḍigina naṇam̐geḍi pābamu
sirula nenu nudiseyam̐gam̐galanā
paragina pichchugabai brahmāstramu
dŏragŏni vūragĕ tŏḍiginayaṭlu
(||nārā||)
achchuda yanam̐gā naṁdĕḍi saṁpada
yichchala nĕṁchina nilam̐galavā
kŏchchigŏchchi yŏga kŏṁḍaṁta kanagamu
vĕchchabum̐ bom̐kagu vĕla yiḍinaṭlu
(||nārā||)
yĕduḍane śhrīveṁkaḍeśhvara yanam̐gām̐
bŏdigĕḍi tabamula puṇyamu galadā
kadisi samudramu gaḍasi voḍalom̐
jidisi yinumu dĕchchinayaṭlu