నారాయణ నే నస్వతంత్రుఁడను నాకా పనిగాదేవియును
(॥పల్లవి॥)
నారాయణ నే నస్వతంత్రుఁడను నాకా పనిగాదేవియును
ధారుణి లోపలఁ బుట్టించితివి తరువాతి పనులు నీకే సెలవు
(॥నారా॥)
శ్రీపతి నీకే సమర్పితంబై శేషంబైనది యాతుమ దొల్లే
యేపున విషయములందులోఁ దగిలి యేమయిన నీకే సెలవు
చూపరఁ బసురము తొరలు వోయినను సొమ్ముగలుగువాఁడే పరవంజుక
పైపైఁ దానే వెదకి తెచ్చి కాపాడఁగ నతనికి భారముగాన
(॥నారా॥)
యీడులేక శ్రీహరి నీవుండెడి యీ దేహపు నీపరికరమూఁ
బాడిగఁ బంచేంద్రియములు పట్టుక బడిఁ దిప్పెడి నీకే సెలవు
వోడక యధికులు తమ దాసులు మరివొకరిపంపు లటు సేయఁగను
చూడరు తమబలములనే విడిపించుక తామే రక్షింతురు గాని
(॥నారా॥)
శ్రీవేంకటపతి నీవే నన్నిటు సృష్టించిన జీవుఁడనింతే
కావిరి నజ్ఞానము నన్నిటువలెఁ గప్పిన నది నీకే సెలవు
ధావతిఁ దలిదండ్రులు తమ బిడ్డల తనువులఁ బంకము లంటినను
యేవిధముల నీరార్చి పెంతు రటు ఇన్నిట నీవే గతినాకు
(||pallavi||)
nārāyaṇa ne nasvadaṁtrum̐ḍanu nāgā panigādeviyunu
dhāruṇi lobalam̐ buṭṭiṁchidivi taruvādi panulu nīge sĕlavu
(||nārā||)
śhrībadi nīge samarbidaṁbai śheṣhaṁbainadi yāduma dŏlle
yebuna viṣhayamulaṁdulom̐ dagili yemayina nīge sĕlavu
sūbaram̐ basuramu tŏralu voyinanu sŏmmugaluguvām̐ḍe paravaṁjuga
paibaim̐ dāne vĕdagi tĕchchi kābāḍam̐ga nadanigi bhāramugāna
(||nārā||)
yīḍulega śhrīhari nīvuṁḍĕḍi yī dehabu nībarigaramūm̐
bāḍigam̐ baṁcheṁdriyamulu paṭṭuga baḍim̐ dippĕḍi nīge sĕlavu
voḍaga yadhigulu tama dāsulu marivŏgaribaṁpu laḍu seyam̐ganu
sūḍaru tamabalamulane viḍibiṁchuga tāme rakṣhiṁturu gāni
(||nārā||)
śhrīveṁkaḍabadi nīve nanniḍu sṛṣhṭiṁchina jīvum̐ḍaniṁte
kāviri najñānamu nanniḍuvalĕm̐ gappina nadi nīge sĕlavu
dhāvadim̐ dalidaṁḍrulu tama biḍḍala tanuvulam̐ baṁkamu laṁṭinanu
yevidhamula nīrārsi pĕṁtu raḍu inniḍa nīve gadināgu