(॥పల్లవి॥)
నానాదిక్కుల నరులెల్లా
వానలలోననె వత్తురు గదలి
(॥నానా॥)
సతులు సుతులుఁ బరిసరులు బాంధవులు
హితులు గొలువఁగా నిందరును
శతసహస్రయోజనవాసులు సు-
వ్రతములతోడనె వత్తురు గదలి
(॥నానా॥)
ముడుపులు జాళెలు మొగిఁదల మూఁటలు
కడలేనిధనముఁ గాంతలును
కడుమంచిమణులు కరులుఁ దురగములు
వడిగొని చెలఁగుచు వత్తురు గదలి
(॥నానా॥)
మగుటవర్ధనులు మండలేశ్వరులు
జగదేకపతులుఁ జతురులును
తగువేంకటపతి దరుశింపఁగ బహు-
వగలసంపదల వత్తురు గదలి
(||pallavi||)
nānādikkula narulĕllā
vānalalonanĕ vatturu gadali
(||nānā||)
sadulu sudulum̐ barisarulu bāṁdhavulu
hidulu gŏluvam̐gā niṁdarunu
śhadasahasrayojanavāsulu su-
vradamuladoḍanĕ vatturu gadali
(||nānā||)
muḍubulu jāḽĕlu mŏgim̐dala mūm̐ṭalu
kaḍalenidhanamum̐ gāṁtalunu
kaḍumaṁchimaṇulu karulum̐ duragamulu
vaḍigŏni sĕlam̐gusu vatturu gadali
(||nānā||)
maguḍavardhanulu maṁḍaleśhvarulu
jagadegabadulum̐ jadurulunu
taguveṁkaḍabadi daruśhiṁpam̐ga bahu-
vagalasaṁpadala vatturu gadali